Хаартыска sakha.gov.ru ылылынна
Москваҕа ыһыахха хаһааҥҥытааҕар да элбэх киһи муһунна.
Ийэ дойду тэбэр сүрэҕэр, Москваҕа ыытыллыбыт ыһыахха, барыта 26 тыһыынчаттан тахса киһи сылдьыбыт. Былырыын 25 тыһыынча киһи сылдьыбыта бэлиэтэнэр.
Күүтүүлээх, үөрүүлээх тэрээһин «Коломенское» музей-заповедник сиригэр-уотугар 16-с төгүлүн буолла. Манна сыл ахсын Саха сирин устуоруйатын, култууратын, үгэһин сэҥээрэр, сэргиир Москва куорат олохтоохторо, дойдулаахтарбыт мусталлар.
Ыһыах алгыстан саҕаланна. Бэртээхэй кэнсиэри, успуорт күрэхтэһиилэрин, быыстапкалары, куонкурустары, маастар-кылаастары, о.д.а. көрөн, сорох ыалдьыттар кыттаннар улаханнык сэргэхсийдилэр. Байыаннай дьайыы кыттыылаахтарыгар өйөбүл буолар сыаллаах тэриллибит тэрилтэлэр, түмсүүлэр, волонтердар хамсааһыннарын «Мы вместе» былаһаакката болҕомтону тарта. Манна төгүрүк остуол ыытылынна, хаартысканан быыстапка тэрилиннэ, байыаннай дьайыы кыттыылаахтарын кытары көрсүһүү буолла, байыастарга ыытарга анаан түһүлгэҕэ мустубут ыалдьыттар сурук суруйдулар.
Бу күн «Эрэл (Надежда)», «Своих не бросаем» үтүө санаа пуондатын бэрэстэбиитэллэрэ, «Запасы 31» уонна «Армия Тыла» волонтердар организациялара, ДНӨ уонна Крым бэрэстэбиитэлистибэтин үлэһиттэрэ тыл эттилэр, санааларын үллэһиннилэр. Подольскайтан «Рокот-НВП» уопсастыбаннай хамсааһын көхтөөх кыттааччылара байыаннай бэлэмнэнии үөрэҕиттэн (НВП) толорон көрдөрдүлэр. Оттон «Саха-волонтер» түмсүү кыттыылаахтара күн устата бааһырбыт байыастарга анаан сыттыктары тиктилэр.
«Саха-волонтер» түмсүү түргэн-тарҕан уонна далааһыннаах үлэтин туһунан РФ Бэрэсидьиэнигэр Саха Өрөспүүбүлүкэтин бастайааннай бэрэстэбиитэлэ Андрей Федотов кэпсээтэ.
Сиһилии манна https://www.sakha.gov.ru/news/front/view/id/3363223 ааҕыҥ.
Сайыҥҥы уһун сынньалаҥнар кэннэ үлэ, үөрэх дьыла саҕаланыыта дьиэ кэргэн бүддьүөтүгэр улахан хамсааһын тахсар. Маныаха…
Өлүөхүмэ улууһугар 44 саастаах эр киһи матасыыкылынан айаннаан иһэн сылгыны кытта харсыспыт. Ол түмүгэр суоппар…
Бүгүн Доҕордоһуу болуоссатыгар куорат 393 сылыгар аналлаах Оһуокай үрдүк таһымнаахтык ыытылынна. [gallery ids="241612,241622,241621,241620,241619,241618,241617,241616,241615,241614,241613,241610,241611"] Оруобуна 1…
Дьокуускай куорат күнүн көрсө мээр Евгений Григорьев суруналыыстары мунньан пресс-конференция ыытта. Тэрээһин быйыл күһүн үлэҕэ…
Ханнык баҕарар норуокка инники сайдыыны быһаарар күүһүнэн дойдуларын туһугар күүскэ, бэриниилээхтик үлэлии сылдьар, сайдыы суолун…
Үөрэх үгүс кыһаларыгар оҕолор икки ардыларыгар араас сыһыан баар буолар. Доҕордоһуу, кэпсэтии, тэрээһиннэргэ кыттыы, ону…