«Моя профессия — ИТ» федеральнай таһымҥа тахсар

Саха сиригэр 2016 сылтан ыытыллар куонкурус Бүтүн Арассыыйатааҕы буолла.

Быйыл дойду 10 тахса эрэгийиэнигэр ыытыллыаҕа. Манна Москва, Башкортостан Өрөспүүбүлүкэтэ, Марий Эл, Хакасия өрөспүүбүлүкэлэрэ, Камчатка кыраайа, Новосибирскай, Архангельскай, Волгоград, Воронеж, Калининград уобаластара уо. д. а. кытталлар.

Бу бырайыак 8 сыл устата 17000 кыттааччыны хапта. Дойду Бырабыыталыстыбатын Бэрэссэдээтэлэ Михаил Мишустин өйөбүлүн ылан, быйыл аан бастаан атын эрэгийиэннэргэ ыытыллыа.
2016 сылтан куонкурус үөрэнээччилэр, устудьуоннар кыахтарын арыйда. Куонкурус генеральнай дириэктэрэ Мичил Стручков куонкурус иһитиннэрэр технологиялар экотиһиктэрин бөҕөргөтөрүн бэлиэтээтэ.
Үөрэтэр бырагыраамаҕа РФ 15 субъегыттан тэрийээччилэр хамаандалара кыттан, хакатону ыытыыны билистилэр.