Муниципальнай тэриллиилэр дьокутааттара сийиэскэ түмсүөхтэрэ

Кулун тутар 27-31 күннэригэр Дьокуускайга муниципальнай тэриллиилэр бэрэстэбиитэллээх уорганнарын дьокутааттарын сийиэһэ иккис төгүлүн ыытыллыаҕа. Маны кытта муниципальнай тэриллиилэр Сэбиэттэрин IX сийиэһэ буолуоҕа.

Тэрээһиннэр бырагырамааларын чэрчитинэн, араас таһымнаах көрсүһүүлэр, трениннэр, сэминээрдэр, сиэссийэлэр былааннаннылар. Ону таһынан олохтоох бэйэни салайыныы, ОДьКХ, сири туһаныы, экология, тыһа хаһаайыстыбатын тула кыһалҕалаах боппуруостары ырытар «төгүрүк остуоллары» тэрийээччилэр ыытыахтара.

Сийиэстэр кыттыылаахтарын кытта СӨ Ил Дархана Айсен Николаев көрсөрө былааҥҥа баар.