Хаартыска: Ил Дархан, бырабыытлаыстыба дьаһалтатын пресс-сулууспата
Уһук Илини уонна Арктиканы сайыннарыы миниистирэ Алексей Чекунков кулун тутар 31 күнүгэр «Муравьев-Амурскай 2030» бырагыраама выпускниктарын кытта көрүстэ.
— Биһиги бу бырагырааманы туох эрэ саҥаны, уратыны киллэрээри толкуйдаабыппыт. Билии, уопут уонна патриотизмҥа тирэҕирбит күүстээх санаа – бу бырагыраама тирэхтэрэ. Эһиги судаарыстыбаннай сулууспаҕа үлэҕитин саҕалыыгыт. Бу суолгутун “ледокол” курдук солоон бардыгыт. Бырагыраама табылынна дии саныыбын. Хас биирдии выпуск уратылаах буолуоҕа. Эһиги, бастакы выпусктар, историяҕа киирдигит. Иннигитигэр уустук эрээри, интэриэһинэй үлэ күүтэр, онуоха төһө кыалларынан бэлэмнии сатаатыбыт, — диэн миниистир эттэ.
Бу көрсүһүүгэ Ил Дархан Айсен Николаев кытынна. Кини эппитинэн, 21-с үйэҕэ Уһук Илин Арассыыйаҕа инники күөҥҥэ тахсар, сайдыы суолун тутуспут эрэгийиэн буолар. Уһук Илини каадырдар сайыннарыахтара.
— Оннук каадырдары булар уустук. Кинилэри бэлэмниэххэ наада. Бу бырагыраамаҕа каадырдары бэлэмнээһин бастааҥҥыттан быраактыкаҕа олоҕурбутун бэлиэтиибин. Эрэгийиэн килиимэтин, уратытын, социальнай, култуурунай боппуруостары билиини эрэйэр. Бырагыраама настаабынньыга буоларбынан, курсаннар идэтийии өттүнэн саҥа таһымҥа тахсыбыттарын көрөбүн. «Муравьев-Амурский 2030» бырагыраама инники кэскиллээх. Сотору кэминэн выпускниктар судаарыстыбаннай салайыыга үлэлээн, Уһук Илини сайыннарыахтара, улахан корпорациялар, хампаанньалар салайааччылара буолуохтара диэн эрэнэбин, — диэн кини эттэ.
Бастакы выпускниктар истэригэр Саха сириттэн сыана бэлиитикэтин кэмитиэтин бэрэсээдээтэлин солбуйааччы Николай Бочков уонна Арктиканы, хотугу норуоттары сайыннарыы министиэристибэтин департаменын исписэлииһэ Фаина Атласова дьупулуомнары туттулар.
«Муравьев-Амурский 2030» бырагыраама 2022 сылтан саҕаламмыта. 2,5 тыһыынча киһиттэн финалга 55 киһи талыллыбыта. Кинилэр 7 бырайыактыыр хамаандаларга арахсыбыттара.
Бырагыраама сыала-соруга – Уһук Илиҥҥэ, Арктикаҕа салайар каадырдары бэлэмнээһин.
Ил Дархан, бырабыыталыстыба дьаһалтатын пресс-сулууспата.
От ыйыгар ГАИ үлэһитин тохтобулга ирдэбилин толорботох иһин ыстараап 12,5 төгүл үрдүөҕэ, ОСАГО полиһа суох…
От ыйын 1 күнүгэр Национальнай бэчээт күнэ бэлиэтэнэр. Бырабыыталыстыба дьиэтигэр сахалыы тыллаах көрдөрөр-иһитиннэрэр сириэстибэлэр үлэһиттэригэр,…
Саха сиригэр сыл саҕаланыаҕыттан байыаннай дьайыы 32 кыттыылааҕа уонна байыаннай сулууспалаахтар 85 дьиэ кэргэттэрин чилиэнэ…
Бу сыл тохсунньу 10 күнүгэр буруйдаах дьахтар Кырдьаҕастар уонна инбэлииттэр өрөспүүбүлүкэтээҕи интэринээт-дьиэлэрин дириэктэрин дуоһунаһыттан ууратыллыбыта.…
Бүгүн, от ыйын 1 күнүгэр, Саха сиригэр Национальнай бэчээт күнүн бэлиэтииллэр. Саха Өрөспүүбүлүкэтигэр Национальнай бэчээт…
Бүгүн халадьыыльныкка кимиэхэ барытыгар кэриэтэ баар бородууктанан мини-пиццалары астыыр ырысыабы кытта үллэстэбит. Пиццалар сыырдаах эбэтэр…