Мария Васильева хаартыскаҕа түһэриитэ
«Муус Устар» ыччат бэстибээлэ икки сылга биирдэ ыытыллар буолла. Аныгыскы бэстибээл 2027 сыл сааһыгар күүтүллэр диэн СӨ Баһылыгын уонна Бырабыыталыстыбатын пресс-сулууспата иһитиннэрэр.
«Муус Устар» бүддьүөт тастан киирэр үбүнэн ыытыллар. Быйыл киирбит үбү социальнай суолталаах тэрээһиннэргэ ыытар туһунан быһаарыы ылылынна.
«Бэстибээл ыччаты түмэр, үүнэргэ-сайдарга кыаҕы биэрэр тэрээһининэн буолбута. Үгүстэр, бэйэм курдук, бэйэлэрин көрдөрөр кыахтаахтарын сыаналыыллар диэн билэбин. Бүгүн дойду бүттүүн судургута суох кэмҥэ олорор. Маннык усулуобуйаҕа саамай сөптөөх быһаарыы – нэһилиэнньэбит социальнай өйөбүлүгэр, тупсарыыга уонна куттала суох буолуутугар үбү-харчыны ыытыы. Бэстибээл ыытыллар кэмин уларытыы – сөптөөх хардыы. Биһиги өрөспүүбүлүкэбит олохтоохторо үксүлэрэ ону өйдүөхтэрэ дии саныыбын. Эһиил бэстибээл ыытылларыгар бэлэмнэниэхпит. Кыайыыбытыгар эрэнэбин уонна байыастарбыт төннөллөрүн кэтэһэбин», – диэн СӨ ыччат дьыалаларыгар уонна социальнай коммуникацияларга миниистирэ Петр Шамаев бэлиэтээтэ.
«Муус Устар» Саха сиригэр 2021 сылтан ыытыллар. Биэс сыл иһигэр өрөспүүбүлүкэ киэн туттуута уонна дойду бастыҥ бэстибээллэриттэн биирдэстэрэ буолла.
Бэстибээл сыала – эдэр талааннары өйөөһүн. Тэрийээччинэн Саха сирин Бырабыыталыстыбата, генеральнай спонсорынан – «Эльга» хампаанньа буолар.
Ааспыт сыллаах V ыччат бэстибээлэ бары улуустары уонна куораттары хабан, 25 тыһыынчаттан тахса кыттааччыны түмпүтэ. «Муус Устар» финала «Триумф» успуорт комплексыгар 5 тыһыынчаттан тахса киһини муспута.
Сиһилии: https://www.sakha.gov.ru/news/38049
Саха сиригэр ааспыт суукка устата 5 буруйу оҥоруу тахсыбыта бэлиэтэннэ. Бу дьыалаларынан холуобунай дьыалалары тэрийии…
Бу күннэргэ муус турар кэмигэр уустук гидрологическай быһыы-майгы үөскээбитинэн сибээстээн, Өлүөнэ өрүһү туорааһын тарыыба үрдээбитин…
Алтынньы бүтүүтэ аан дойду ааттаахтарын кэпсэтиитэ бүтүннүү Арассыыйа тула буолла. Биир өттүнэн Владимир Путины кытта…
Дьокуускай куорат борокуратуурата 50 саастаах эр киһиэхэ сыһыаннаах холуобунай дьыалаҕа судаарыстыбаннай буруйдааһыны өйөөтө. Кини социальнай…
Сулустар тугу түстүүллэр? Хой Үлэҕэр кыраттан да сылтаан мөккүөр тахсыан сөп. Ол эрээри дьону тылгар…
Саха сиригэр Службапоконтракту14.рф саҥа саайт нөҥүө хантараагынан байыаннай сулууспаҕа барааччылар сайаапка хаалларыахтарын сөп. Российскай Федерация Сэбилэниилээх…