Нэдиэлэтээҕи гороскоп: алтынньы 30 — сэтинньи 6 күннэрэ

Сулустар тугу түстүүллэр?

Хой

Үлэҕэр кыраттан да сылтаан мөккүөр тахсыан сөп. Ол эрээри дьону тылгар сатаан киллэрэр дьоҕуруҥ көмөлөһүө, онон быһаарыылаах дьыалаҕа кыайыылаах тахсыаххын сөп.

Оҕус

Ситиһиилээх нэдиэлэ үүммүт. Үлэҕэр табыллыы, ситиһии күүтэр. Ол эрээри, истибиккин барытын ыраас мууска уурума, дьон да араастаах.

Игирэлэр

Эт-сиин өттүнэн чэбдигириэххин, массааска сылдьыаххын наада буолбут. Ханнык да уустук кэмҥэ кыһалҕаны холкутук быһаарыы эрэ көмөлөһөр. Доруобуйаҕын көрүнэ сырыт.

Араак

Нэдиэлэ арыый уустуктук саҕаланыа. Ол эрээри сулустар өйөбүллэринэн бары кыһалҕаҥ этэҥҥэ быһаарыллыа. Тус олоххор барыта эриэ-дэхси.

Хахай

Саҥа соруктаргын ситиһэр туһуттан туохтан да иҥнибэккин. Билигин буола турар быһыы-майгы уларыйыан сөп. Онон быһаарыныы ылынарга сыта-тура толкуйданар наада.

Кыыс

Эппиэтинэстээх, барытын тиһэҕэр тиэрдэр майгыҥ бу сырыыга арыый ыһыллыан сөп. Соһуччу түгэннэр буолуохтара. Ыксалга ылыммыт быһаарыныыҥ сөп да буолуон сөп. Онон барытын судургутук ылына сатаа.

Ыйааһын

Айар эйгэлээх дьону ситиһии күүтэр. Быыс булан нэдиэлэ устата култуурунай сынньалаҥҥа сылдьа сатыырыҥ ордук. Маннык сынньалаҥ эйиэхэ күүс, сэниэ биэрэр.

Скорпион

Тугу санаабыккын олоххо киллэрэргэ табыгастаах кэм үүммүт. Үчүгэй, үөрүүлээх түгэннэр тосхойуохтара. Үлэ, үөрэх үөһүгэр сылдьыаҥ. Дьон ытыктабылын ылыаҥ.

Охчут

Кыаллар буоллаҕына, айылҕаҕа тахсыаххын, доҕоттордуун көрсүөххүн сөп. Бу күннэргэ санааҕын аһаҕастык этэртэн куттаныма, ол эрээри, кыыһырсыыга тиэрдимэ.

Чубуку

Инники дьыаланы былаанныырга тоҕоостоох кэм. Сыалгын-соруккун сөпкө туруорунан хамсаныаххын наада. Күүскүн таах халтайга ыыппат гына кыһан.

Күрүлгэн

Тас көрүҥҥүн тупсарыаххын баҕарыаҥ. Бэйэни көрүнүүгэ, сөпкө аһааһыҥҥа болҕомтоҕун ууруоҥ. Куһаҕана суох нэдиэлэ үүммүт. Ол эрээри, нэдиэлэ ортото мөккүөртэн туттунуоххун наада.

Балыктар

Доруобуйаҕын көрүнэргэр тоҕоостоох кэм. Үлэҕэ биир санаалаахтаргын кытта тутуспутунан сылдьарыҥ наада. Бэйэ эрэ иннин көрүнүү үчүгэйгэ тиэрдибэт. Үп-харчы дьыалата этэҥҥэ, ол эрээри, харчыгын харыстаан тутун.