Ил Дархан, бырабыыталыстыба дьаһалтатын пресс-сулууспата.
Дьокуускайга «Муус устар» ыччат бэстибээлин чэрчитинэн ыытыллар «Время традиций» өрөспүүбүлүкэтээҕи күрэс түмүктэннэ. Кыайыылаахтары үс хайысханан: «Национальный обряд», «Этномир Якутии», «ЭтноБлог в ТОПе» быһаардылар, онтон «Время традиций» күрэс Гран-при хаһаайынынан Мэҥэ Хаҥалас улууһа буолла.
Талар түһүмэххэ 24 улуустан уонна Дьокуускайтан барыта 412 ыччат кыттыбытыттан, финалга 65 киһи тахсыбыта.
Саамай элбэх кыттааччы – 287 киһи «Этномир Якутии»онлайн-квизка кытынна.
Манна Нерюнгриттан Ляридо Игнатенко, Өлүөхүмэттэн Наталья Есаулкова уонна Сунтаартан Матрена Сахатаева кыайдылар.
«Национальный обряд» номинацияҕа Булуҥтан Антон Самойлов уонна Ньурбаттан Айаана Федорова кыайдылар.
«ЭтноБлог в ТОПе» номинацияҕа Мэҥэ Хаҥаластан Айта Васильева кыайда.
«Муус устар» ыччат бэстибээлэ 2021 сылтан ыытыллар. Араас хайысханан эдэр талааннары көрдүүр, өйүүр, таһаарар, ыччаты көҕүлүүр сыаллаах. Бэстибээли СӨ Бырабыыталыстыбата уонна «Эльгауголь» хампаанньа тэрийэллэр.
«Муус устар» бэстибээл эдэр дьоҥҥо бэйэлэрин биллэрэллэригэр, талааннарын сайыннаралларыгар, араас интеллектуальнай, спортивнай, айар күрэстэргэ бэйэлэрин холонон көрөлллөрүгэр, үөлээннээхтэрин кытта билсэллэригэр-көрсөллөрүгэр кыах биэрэр» диэн Бэрэсидьиэн Владимир Путин этэн турар.
СӨ Ил Дарханын уонна Бырабыыталыстыбатын пресс-сулууспата.
Сэрэдэҕэ, от ыйын 9 күнүгэр, Саха сиригэр 5 буруйу оҥоруу тахсыбыта бэлиэтэммит. Бу туһунан СӨ…
«Медведь» позывнойдаах Алексей Петров РФ Бэрэсидьиэнэ Владимир Путин 2025 сыл от ыйын 6 күнүнээҕи Ыйааҕынан…
СӨ Бырамыысыланнас уонна геология миниистирэ Максим Терещенко 2025 сыл от ыйын 10 күнүгэр, чэппиэргэ, СӨ…
Атырдьах ыйын 1 күнүттэн хас да категориялаах гражданнар биэнсийэлэрэ улаатар, диэн РФ Бырабыыталыстыбатын иһинэн үлэлиир…
Хайдах ааҕылларый? Төһө буоларый? Бу туһунан «Российская газета» суруйар. 2026 сылтан Арассыыйаҕа социальнай өйөбүл саҥа…
112 суһал көмө нүөмэригэр 70 саастаах эр киһи сүппүтүн туһунан иһитиннэрии киирбит. Саха сиринээҕи Быыһыыр…