Муус устарга босуобуйаны, биэнсийэни хаһан тиэрдиэхтэрэй?

Социальнай пуонда Саха сиринээҕи салаата муус устар ыйга биэнсийэни, босуобуйаны тиэрдии кыраапыгын билиһиннэрэр.

Муус устар 3 күнүгэр:

биир кэлим босуобуйаны;

бастакы төрөөбүт оҕо 3 сааһыгар диэри бэриллэр босуобуйаны;

оҕо 1,5 сааһыгар диэри үлэлээбэккэ, көрөн олордоххо бэриллэр босуобуйаны;

ыҥырыынан суһал сулууспаҕа сылдьар байыаннай сулууспалаах оҕотугар бэриллэр босуобуйаны.

Муус устар 4 күнүгэр:

Ийэ хапытаалыттан төлөбүрү;

Муус устар 8 күнүгэр:

оҕо 1,5 сааһыгар диэри, үлэлиир төрөппүккэ бэриллэр босуобуйаны.

Бу кулун тутардааҕы босуоубуйалары кыраапык быһыытынан түһэрэллэр. Кулун тутарга номнуо ылбыт буоллаххытына, муус устардааҕы босуобуйаны ыам ыйын саҥатыгар тутаҕыт.

Харчыны счекка ыыппыттарын кэнниттэн, нөҥүө күнүгэр диэри түһүөхтээх.

Оттон биэнсийэни муус устар 8, 10, 16, 21 күннэригэр счекка ыытыахтара. Буостанан тиэрдиигэ Арассыыйа буостатын кыраапыга тутуһуллар — муус устар 3-20 күннэригэр.