Муусука Үрдүкү оскуолата — Донбасска көмө уонна өйөбүл Хотугулуу-Илиҥҥи пуондатыгар

В.А.Босиков аатынан Муусука Үрдүкү оскуолатын ректора, СӨ Уопсастыбаннай балаататын чилиэнэ Надежда Зайкова байыаннай эпэрээссийэ кыттыылаахтарын дьиэ кэргэттэригэр оскуола ылыммыт социальнай өйөбүлүн туһунан хаһыат саайтын ааҕааччыларыгар санаатын үллэһиннэ.
— Билигин аныгы байыаннай ирдэбилгэ сөп түбэһэр уонна буойуттарбыт көдьүүстээх үлэлэригэр улахан көмөлөөх көмүскэнэр сириэстибэлэринэн, онтон да атын олус чуолкайдык үлэлиир тиэхиньиичэскэй тэриллэринэн эбии хааччыйыы соруга турар. Саха сириттэн байыаннай эпэрээссийэҕэ кытта сылдьар байыаннай сулууспалаахтарбытыгар анаан байыаннай суолталаах тэриллэринэн эбии хааччыйыыга көмөлөһүү чэрчитинэн биһиги, В.А.Босиков аатынан Муусука Үрдүкү оскуолатын үлэһиттэрэ, Донбасска көмө уонна өйөбүл Хотугулуу-Илиҥҥи пуондатыгар харчынан көмөлөрүн киллэрдилэр.
Көмө аахсыйатыгар Муусука Үрдүкү оскуолатын үлэһиттэрэ бу сырыыга эмиэ бэйэлэрин көхтөөх кыттыыларынан күүскэ кытыннылар, биир күннээҕи хамнастарын көмө пуондатыгар ыыттылар. Кэлэктииппит үтүө санаатын уонна биир сомоҕо түмсүүтүн иһин махтанабын. Үтүө санаа кынаттаах алгыс буолан, буойуттарбыт кыайыы аргыстаах этэҥҥэ эргиллэн кэллиннэр!