Саха уола тэҥэ суох киирсиигэ хорсун быһыыны көрдөрдө

Бу күннэргэ Арассыыйа 1 ханаала Запорожье туһаайыытынан ВСУ тиэхиньикэлэрин кэккэтин соҕотоҕун үлтү сынньыбыт «Алеша» тааҥка экипаһын кытары көрсүбүтүн устан таһаарда.

Т-80 тааҥка экипаһа – хорсун уолаттар кыргыһыы хонуутуттан тахсан баран интервью биэрдилэр. Кинилэр Запорожье хайысхатынан аҕыс тааҥка утары тыҥааһыннаахтык киирсэн, кыайыыны ситиспиттэр. Олортон биир байыас биһиги биир дойдулаахпыт – саха уола. Биллэр төрүөтүнэн уолаттар ааттара ыйыллыбат. Ол гынан баран, экипаж хас биирдии чилиэнэ видеоҕа бэйэтин тылынан эҕэрдэ ыытара көстөр. Биһиги уолбут ийэлээх аҕатыгар, чугас дьонугар эҕэрдэтин тиэртэ.

Уолаттары РФ Оборуонатын миниистирэ Сергей Шойгу хорсун быһыыларын иһин судаарыстыбаннай наҕараадаҕа түһэрдэ.

Интервьюны сыылканан көрүҥ.