https://www.sakha.gov.ru
Суолга үлэлэр бүгүн “Мүрү” айан суолун 124 килэмиэтиригэр Уус Алдан Сыырдааҕын кытыытыгар саҕаланнылар.
Билигин ити хайысхаҕа сырыы суох. Бу туһунан тырааныспар миниистирэ Владимир Сивцев брифиҥҥэ иһитиннэрдэ. Дьуһуурустуба тэриллэн, ууну ыытыы үлэтэ ыытылла турар. Бу иннинэ суол 42 уонна 47 килэмиэтирдэригэр суол алдьаныытын көннөрөр үлэлэр барбыттара, ууну курдат ыытар эбии турбалар туруоруллубуттара. Суол үлэлэрэ “Кэбээйи” суолун түөрт учаастагар (53, 125, 149, 159 км) эмиэ бара тураллар. 53 км аттыгар Бэс Күөлгэ тиийэр быстах суол арыллыбыт. Атын учаастактарга уу таһыма түстэҕинэ суолу оҥоруу саҕаланыа. Халаан уутуттан сылтаан Нам улууһугар Нам — Өргөлөөх, Ымыйахтаах — Тоҥ Бас, Нам -Хоҥор Биэ, Горнай улууһугар Орто Сурт — Кэптин, Бэрдьигэстээх — Дьиикимдэ туһаайыыларынан айан тохтообут. Кэбээйи улууһугар Сииттэҕэ уонна Чагдаҕа дэриэбинэ иһинээҕи суоллар алдьаммыттар. Уу түстэҕинэ бу суоллар өрөмүөннэниэхтээхтэр. Сааскы халаантан эмсэҕэлээбит эрэгийиэн суолталаах суоллары сөргүтүүгэ, чөлүгэр түһэриигэ бүддьүөттэн 100 мөл. солк. көрүллүбүт, муниципальнай суолталаах суоллары сөргүтүүгэ 50 мөл. солк. көрүллүбүт.
РФ Үөрэҕириитин уонна билимин министиэристибэтигэр иһитиннэрбиттэринэн, үрдүк үөрэх саҥардыллыбыт тиһигин киэҥник киллэрии 2027–2028 үөрэх дьылыгар…
Саха сириттэн Арина Аулова «World russian Beauty-2025» Бүтүн Арассыыйатааҕы кэрэ куо куонкуруһугар «Эдэр мисс Арассыыйа-2025»…
Тааттаҕа күрэс төрүт көрүҥнэригэр "Манчаары оонньууларыгар" көрөөччүлэргэ, ыалдьыттарга соһуччу үөрүүлээх бэлэхтэр туттарыллан дьон-сэргэ үөрүүтэ үрдээн…
Дьокуускай киинигэр массыына дьиэ эркинигэр курдат саахаламмыт курдук оҥоһуллубут арт-эбийиэги көтүрдүлэр. Инсталляция Ленин проспегар турар…
Субуотаттан, от ыйын 12 күнүттэн саҕалаан, Саха сиригэр нэдиэлэ устата магнитнай буурҕа саҕаланыа. Мөлтөөһүн аныгыскы…
Эһиги саахардаах диабеттаах буоллаххытына, глюкометры уонна тест-полоскалары ОМС полиһынан босхо ылыаххытын сөп. Ол туһугар бэйэҕит…