Национальнай архыып байыаннай дьайыы кыттыылаахтарын докумуонун хомуйар

«Үлэ соторутааҕыта КСВО  уонна култуура министиэристибэтин, ону сэргэ Национальнай архыыбы кытта түһэрсиллибит сөбүлэҥ чэрчитинэн саҕаланна», – диэтэ Саргылаана Неустроева.

Кини бэлиэтииринэн, байыаннай дьайыы кыттыылаахтарын туһунан архыып пуондата кэлэр көлүөнэҕэ докумуон нэһилиэстибэтин быһыытынан хаалыаҕа.

Бэлиэтээн суруйдахха, байыаннай дьайыы кыттыылаахтарын дьиэ кэргэттэрин кэмитиэтэ 2022 сыллаахха ахсынньыга РФ бэрэсидьиэнэ Владимир Путин көҕүлээһинэн тэриллибитэ. Сүрүн соруга байыаннай дьайыы кыттыылаахтарыгар, кинилэр дьиэ кэргэттэригэр көмө, тирэх буолуу. Саха сирэ 2023 cыл тохсунньу ыйыттан Ил Дархан Айсен Николаев өйөбүлүнэн үлэтин саҕалаабыта. Ыстаап састаабар  байыаннай дьайыы кыттылаахтарын кэргэттэрэ, ийэлэрэ, аймахтара киирбиттэрэ. Салайааччынан  Марина Бахилина үлэлиир.