Андрей Сорокин хаартыскаҕа түһэриитэ, СИА.
Национальнай бырайыактары олоххо киллэриигэ Саха сирэ 2022 сылга Уһук Илин эрэгийиэннэригэр лиидэр буолла. 11 национальнай бырайыагы туһаныы 96%-ҥа тэҥнэстэ, манна 47,38 миллиард солкуобайдаах үп көрүллүбүт.
2022 сылга национальнай бырайыактары олоххо киллэриигэ барыта 71,6 миллиард солкуобайтан тахса үп ыытыллыбытыттан, 19,9 миллиард солкуобай – федеральнай бүддьүөттэн, 40,17 миллиард солкуобай – ОДьКХ пуондатыттан.
Бу ОДьКХ пуондатыгар “Олорор дьиэ уонна куорат эйгэтэ” национальнай бырайыагы киллэриигэ үп икки сылга көрүллүбүт (2022 сылга – 17,9 миллиард солкуобай, 2013 сылга — 22,26 миллиард солкуобай). Ону тэҥэ, өрөспүүбүлүкэ судаарыстыбаннай бүддьүөтүттэн 10,72 миллиард солкуобай, муниципальнай бүддьүөттэн 782,1 мөлүйүөн солкуобай туһаныллыбыт.
Онон ааспыт сылга Саха сирэ Уһук Илин эрэгийиэннэригэр национальнай бырайыактары олоххо киллэриигэ, бүддьүөт харчытын туһаныыга, хапытаалынай тутууну ыытарга инники күөҥҥэ таҕыста.
Ол курдук, былырыын 7,56 тыһыынча киһи хаарбах дьиэттэн көһөрүллүбүтэ. 2023 сылга “Хаарбах дьиэттэн көһөрүү” бырагырааматынан 70 элбэх кыбартыыралаах дьиэ тутуллара былааннанар. Элбэх дьиэ Бүлүү, Үөһээ Бүлүү, Мэҥэ Хаҥалас, Алдан оройуоннарыгар тутуллан киириэхтээх.
СӨ бырабыыталыстыбатын, Ил Дарханын пресс-сулууспатын матырыйаалынан.
Биэс сыллаах тохтобул кэнниттэн Судаарыстыбаннай Кириэмил дыбарыаһыгар бастыҥ устудьуоннарга, үөрэх олимпиадаларын, айар куонкурустар, спортивнай күрэхтэһиилэр…
Сыл саамай хараҥа, тымныы бастакы ыйын туһунан Тускул үгэс быһыытынан билгэлээтэ. - 2026 сыл -…
Мэҥэ Хаҥалас улууһугар биир киһи хаһыс да төгүлүн арыгы иһэн баран, массыынаны ыытан, сууттанна. …
Саҥа дьыл буолара үс эрэ күн хаалла. Эрдэттэн хааччымматах дьон билигин тугу бэлэхтиибит диэн толкуйга…
Бу күннэргэ Мэхээлэ Дьөгүөрэп аатынан сылын ахсын ыытыллар Бэрдьигэстээх нэһилиэгин баһылыгын сылы түмүктүүр "Бастыҥнар түһүлгэлэрэ"…
Ахсынньы 28 күнүгэр «Восточнай» космодромтан «Союз-2.1б» аракыата Саха сирин бастакы «Чолбон» кыра космическай аппарааты орбитаҕа таһаарда. Бу Саха сирэ…