Надежда Бут 100 килэмиэтиргэ сүүрүүгэ Арассыыйаҕа бастаата

Надежда Бут 100 килэмиэтиргэ сүүрүүгэ Арассыыйаҕа икки төгүллээх чөмпүйүөн буолары ситистэ. Бу туһунан «Триумф» успуорка бэлэмнээх буолуу киин пресс-сулууспата иһитиннэрэр.

Арассыыйа чөмпүйэнээтэ Нижнэй Новгородка бэҕэһээ, алтынньы 1 күнүгэр, ыытылынна. Надежда 100 килэмитир уһуну 7 чаас 17 мүнүүтэнэн кэлэн, былырыыҥҥы көрдөрүүтүн тупсарда. Былырыын бу уһуну кини 7 чаас 25 мүнүүтэ 12 сөкүүндэнэн кэлэн, эмиэ бастаабыта.

Бу уһуҥҥа өссө биир Саха сирин сүүрүгэ Изабелла Борисова үһүс миэстэ буолла. Надеждалаах Изабелла Татьяна Жирковаҕа дьарыктаналлар.