“Надежда” хамаанда — бэһис миэстэҕэ!

От ыйын 12-15 күннэригэр Дьокуускайга байыастар таҥастарын тигиигэ «Стежка за стежкой, метр за метром» өрөспүүбүлүкэтээҕи иис куонкуруһа буолла.

Манна Кэбээйи улууһун Куокуй нэһилиэгиттэн «Надежда» хамаанда (сал. Еремеева И.У.) айан-сырыы уустуктарын аахсыбакка, мотуорунан, салгыы массыынанан айаннаан кэлбиттэрэ. Итиэннэ кыттаннар сэмэй ситиһиилэннилэр, бэһис инники күөҥҥэ таҕыстылар.

Кыргыттар араас улуус иистэнньэҥнэрин кытта алтыһан, уопут атастаһан, маастарыстыбаларын үрдэтэн, култуурунай-маассабай тэрээһиҥҥэ сылдьан, остуол оонньуутугар күрэххэ кыттан, сыалларын-соруктарын ситистилэр. Үөрүүлээх быьыыга-майгыга Бочуотунай Грамотанан, Махтал суругунан наҕараадаланнылар. Улууспут социальнай боппуруостарыгар эппиэттээх А. Попова 20000 солк. сэртипикээт туттарда. Байыаннай дьайыы кыттыылааҕа, ыччаппыт Иннокентий Киренскай дьиэ кэргэнин аатыттан оверлочнай массыына бэлэхтээн, хамаанда үөрүүтүн үрдэттэ. Кураторбыт Антонина Сметанина тус бэйэтин аатыттан сэмэй бэлэҕин тиксэрэн сөхтөрдө. Кыргыттарбытын эҕэрдэлиибит!

«Куонкуруһу тэрийбит иистэнэр сыах «Илии сылааһыгар» (сал. И.Е. Саввина), өйөөбүт улууспут баһылыгын солбуйааччы А.Е.Сивцевка, эдэр кыттааччыбытыгар В. Гуляевага, И.Т. Киренскай дьиэ кэргэнигэр, А. Сметанинаҕа сахалыы сайаҕас махталбытын тиэрдэбит!»- дииллэр «Надежда» кыргыттара.

Ираида Софронеева, Куокуй.