“Саха сирэ” хаһыат (sakha-sire.ru) хорсун-хоодуот буойуттарбытыгар анаан, дойдуга бэриниилээх буолууга иитэр соруктаах хоһоон куонкуруһун биллэрбитэ.
ЭРГИЛЛЭН КЭЛЭЭРИҤ, БООТУРДАР
Аҕа дойдугутун көмүскүү,
Аттанныгыт Саха сириттэн.
Адаҕыйда сидьиҥ өстөөх,
Аҕыраабат алдьархай ааҥнаата.
Абатыан, бу дьоллоох олохтон,
Арахсан сэриигэ турунар,
Алаһа дьиэҕитин, дьоҥҥутун,
Хаалларан дууһаҕыт айманар.
Ким билиэй инники дьылҕатын,
Ким ону эрдэттэн сэрэйиэй?
Сэрии диэн сэрии буоллаҕа,
Бүгүн баар, сарсын суох да буолуон.
Дойдуну буурҕалыы аймаабыт,
Дьалхааннаах, ыарахан кэм кэллэ,
Хара дьай нациһы утары,
Хаан хааҥҥа киирсэргэ бэлэмҥит.
Ол онно — буомбалар эстэллэр,
Туланы тоҕута тэбэллэр.
Ол онно — буулдьалар иһиирэ,
Дьөлүтэ сэймэктээн ааһаллар.
Самнарыа суоҕа ол барыта,
Тохтоппот ол модун санааны.
Эйэлээх олохпут эргиллиэ,
Ийэ тыл алгыһа арчылыа.
Эргиллэн кэлээриҥ — хотойдор,
Кыайыыны уһансан — эрэттэр,
Эрэллээх, эрэнэр — эр дьоммут,
Эһиги буолаҕыт — Боотурдар!
.
Бүгүн, балаҕан ыйын 8 күнүгэр, Нам улууһугар сарсыарда 08:00 чаастан быыбар хамыыһыйалара үлэлэрин саҕалаатылар Бүгүн…
Бүгүн, балаҕан ыйын 8 күнүгэр, Дьокуускайга Комсомольскай болуоссакка 17:00 чаастан аһымал кэнсиэр буолуоҕа. Киириитэ босхо…
Хотугу Муустаах муора кытыла барыта хаарбах тимиринэн, уматык буочукаларынан, быраҕыллыбыт бөҕүнэн туола сытар диэн Арктика…
Халыма-Индигиир биир мандааттаах быыбардыыр уокурукка норуодунай дьокутаат быыбарыгар билиҥҥитэ 9,35% быыбардааччы кытынна. Аллайыаха, Аллараа Халыма,…
М.К.Аммосов аатынан Хотугулуу-Илиҥҥи федеральнай университекка үөрэххэ туттарсыы сүрүн хампаанньата бүттэ. Ааспыт нэдиэлэтээҕи туругунан, барыта 5000-тан…
Аныгы үйэ буолан, кэлиҥҥи кэмҥэ социальнай ситимнэри аны блогер оҕолор “ылан” кэбистилэр. Ол эрэ буолуо…