Надежда Павлова – М.Тырылгин аатынан бириэмийэ лауреата

2022 сыл түмүгүнэн “Саха Өрөспүүбүлүкэтигэр сэллиги утары охсуһууну тэрийии иһин” диэн М.А.Тырылгин аатынан бириэмийэнэн Бүлүү улууһун Оройуоннааҕы киин балыыһатын сэллиги утары охсуһар диспансерын сэбиэдиссэйэ Надежда Павлова наҕараадаланна.
Надежда Ивановна доруобуйа харыстабылыгар үлэлээбит уопсай ыстааһа 50 сылга тэҥнэһэр. Ол иһигэр, 30 сыл фтизиатрия салаатыгар үлэлээтэ. Кини улуус сэллиги утары охсуһар диспансерын 1990-1993 сылларга уонна 2005 сылтан күн бүгүҥҥэ диэри салайар.
Санатан эттэххэ, “Фтизиатрия” научнай-бырактыычаскай киин уһулуччулаах учуонай, СӨ доруобуйатын харыстабылын уонна фтизиатрия наукатын тэрийээччи Михаил Афанасьевич Тырылгин кэриэһигэр анананар бириэмийэни (1938-2011 сс.) 2014 сыллаахха олохтообута.
Михаил Тырылгин аатынан бириэмийэ бастакы лауреатынан Уус Алдан улууһун сэллиги утары охсуһар диспансерын кылаабынай бырааһа, фтизиатр-бырааһа, СӨ үтүөлээх бырааһа Иван Бурнашев буолбута.
«Фтизиатрия» пресс-сулууспатын хаартыскалара
Сообщить об опечатке
Текст, который будет отправлен нашим редакторам: