М.К.Аммосов аатынан ХИФУ 17-с уопсайын актыбыыстарын сэбиэтин волонтердара Нам улууһун Нам сэлиэнньэтин кырдьаҕастарыгар «Үтүө санаа» аахсыйатын тэрийдилэр.
Үтүө дьыала туһунан Ленскэй нэһилиэгин бэтэрээннэрин сэбиэтин салайааччыта Вера Попова маннык кэпсиир:
— Оҕолор биһиги биир дойдулаахпыт Максим Аммосов төрөөбүтэ 125 сыллаах үбүлүөйүн бэлиэтээн, эҕэрдэ кэнсиэри эрдэттэн былааннаабыттар. Ол тэрээһиннэрин иннинэ Нам сэлиэнньэтин кырдьаҕастарыгар туох үлэ баарынан көмөлөһөргө санаммыттар. Кинилэр «Үтүө санаа» аахсыйатын тэрийээри улуустааҕы гимназия иитэр үлэҕэ дириэктэрин солбуйааччы Егор Протопоповка уонна тэрийээччи Вероника Сивцеваҕа тахсыбыттар. Кинилэр миигиттэн бэтэрээннэр төлөпүөннэрин нүөмэрин ылан, ким туох үлэлээҕин туоһуласпыттара. Онтон устудьуоннар бөлөҕүнэн арахсан, 10 биэнсийэлээх уонна инбэлиит кырдьаҕаска тиийэн көмөлөстүлэр.
Ол курдук, дьиэ өһүөтүн тиийэн сууйдулар, кимиэхэ муус киллэрэн биэрдилэр, кимиэхэ тэлгэһэ хаарын күртүлэр.
Киэһэтин устудьуон оҕолор бэртээхэй кэнсиэри көрөдөрөн, кырдьаҕастар санааларын көтөхтүлэр, үөрүүнү бэлэхтээтилэр.
«Өрүү бу курдук кырдьаҕас дьону өйөөн, үөрдэ сылдьыҥ!» диэн оҕолорбутугар махтал тылларын аныыбыт.
Хаартыскалар В.В. Попова тиксэриилэрэ.
Андрей Находкин, Ил Түмэн Сир сыһыаннаһыыларыгар, айылҕа ресурсаларыгар уонна экологияҕа сис кэмитиэтин бэрэссэдээтэлэ. Патриотизм туһунан санаатын…
Ыччаты байыаннай-спортивнай бэлэм уонна патриоттуу тыыҥҥа иитии боппуруостарын Ил Дархан Айсен Николаев уонна "Буойун" киин…
Эбийиэктэргэ баһаартан сэрэхтээх буолууну, санитарнай нуормалары тутуһууну уо.д.а. боппуруостары "Азия оҕолоро" норуоттар икки ардыларынааҕы спортивнай…
Ил Дархан Айсен Николаев уонна СӨ Ил Дарханын иһинэн үлэлиир Урбаан сүрүннүүр сэбиэтин бэрэссэдээтэлин солбуйааччыта, …
Дьокуускайга 20 №-дээх оскуола саҥа модульнай успуорт саалатыгар 850-тан тахса оҕо успуордунан дьарыктанар. "Соникс" спортивнай…
2024 сылга Саха сиригэр доруобуйа харыстабылын 11 эбийиэгэр хапытаалынай өрөмүөн ыытыллыа. Саха сиригэр федеральнай бүддьүөт…