Бүгүн куорат, улуус, нэһилиэк тупсаҕай көстүүлээх эйгэтин тупсарыыга ыытыллыбыт «Эйгэ» архитектура бириэмийэтин чэрчитинэн ыытыллыбыт үлэ уопутун атастаһар аһаҕас кэпсэтии былаһааккатыгар кэккэ улуус баһылыга кыттыыны ылла.
Нам улууһун баһылыга Юрий Слепцов СӨ Аҕа баһылыгын иһинэн үлэлиир архитектура уонна тутуу управлениетын кытта бииргэ үлэлээһиннэрин үтүө түмүгүн бүгүҥҥү санаа атастаһар былаһаакаҕа билиһиннэрдэ.
Кэрэхсэбиллээҕэ баар, баһылык билиһиннэрбитинэн, кэлиҥҥи сылларга куораттыы моһуоннаахтык сайда турар улууска элбэх саҥа тутуулары барытын биир кэлимник былааннаан оҥорон эрэллэр эбит.
— Улахан эбийиэктэри тутан эрэ кэбиһиинэн дуоһуйбакка, тутуллубут эбийиэктэри турар миэстэлэринэн биир ситим оҥоруу соруга турар.
Ол курдук, элбэх бырайыактан биири холобурдаатахха, «Үс ситим» кластер — Нам улууһун киинин биир улахан түөлбэтэ. Бу Доруобуйа уонна социальнай харысхал түмүллэр киинэ.
Ол эбэтэр улууска доруобуйа харыстабылыгар уонна социальнай өҥөнү оҥорууга маннык тупсаҕай көстүүлээх кластеры ситимнээһин үлэ хаачыстыбатын тупсарыаҕа. Түөлбэҕэ киин балыыһа, кырдьаҕастар уонна инбэлииттэр интэринээт-дьиэлэрэ, саастарын ситэ илик оҕолор социальнай-реабилитационнай кииннэрэ бааллар. Бу тэрилтэлэрбитин биир ситимнээн, анал бырагыраамаларга олоҕуран, тупсарыы эйгэтигэр үгүс үлэни ыытар былааннаахпыт, — диэн санаатын үллэһиннэ улуус баһылыга Юрий Слепцов.
Нам улууһун салалтата федеральнай уонна эрэгийиэннээҕи куонкурустарга көхтөөхтүк кыттар эбит. Ол курдук, «Хаачыстыбалаах куораттыы эйгэни олохтооһун», «Олохтоох көҕүлээһини өйөөһүн», «Уһук Илиҥҥэ 1000 тиэргэн», «2019-2025 сылларга саахалланар туруктаах дьиэлэртэн дьону көһөрүү» бырагыраамаларга, «Куттала суох уонна хаачыстыбалаах суоллар» уонна «Демография» национальнай бырайыактарга кыттыы — улуус дьаһалтатын сүрүн соруга. Бу маннык чопчу былааннары туруоран, улахан бырайыактары олоххо киллэрэр буолан, улууска сайдыы саҕахтара аһыллан иһэр буоллахтара.
"Лавина" батальон байыаһа "Якут" диэн позывнойдаах саха уола Новокалиновоны босхолооһуҥҥа кыттыбыт. Кини бу туһунан Семен…
Ил Дархан Айсен Николаев Этиитигэр оҕо дьиэ кэргэн тапталын билэ улаатарын туһугар оҕо ииттэ ылар…
Саха сиригэр мууска түспүт табаны быыһаатылар. Бу туһунан @sakhahunter телеграм-ханаал иһитиннэрэр. Трасса кытыытыгар көлүччэҕэ таба…
Быйыл биллэр хаһаайыстыбанньык, бэлитиичэскэй, судаарыстыбаннай, научнай, уопсастыбаннай диэйэтэл Лазарь Степанович Филиппов 85 сааһын туолла. Сүдү…
Үс сыл аннараа өттүгэр култуура салалтатын, нэһилиэк дьаһалтатын көҕүлээһинэн саҕыллан тахсыбыт "Оһуор үҥкүүтүн уруйдуубут!" тэрээһин…
Норуот суруйааччыта Наталья Михалева-Сайа алгыстаах сааһын «Барыта баар этэ...» диэн ымыылаах ырыа киэһэтинэн бэлиэтээри бэлэмнэнэр.…