Хаартыска: "Нам улууһа" МТ пресс-сулууспата
Улуу Кыайыы өрөгөйдөөх күнүн көрсө, ыам ыйын 8 күнүгэр, Нам сэлиэнньэтин киинигэр үгэскэ кубулуйбут дойдубут үрдүнэн ыытыллар «Өйдөбүнньүк чүмэчитэ» аахсыйаны улуустааҕы ыччат уонна дьиэ кэргэн бэлиитикэтин отдела уонна И.Е. Винокуров аатынан Намнааҕы педагогическай колледж бэрт тэрээһиннээхтик ыыттылар диэн «Нам улууһа» МТ пресс-сулууспата иһитиннэрдэ.
Сүүсчэкэ устудьуон араас дьүһүннээх былаахтары тутан сэлэлии хааман кэллилэр. Сквергэ киириигэ оскуола оҕолоро кэлбит ыалдьыттарга, дьоҥҥо-сэргэҕэ Георгиевскай лиэнтэ уонна ыстакааҥҥа чүмэчи түҥэттилэр.
Тэрээһин үөрүүлээх чааһын Н.С. Охлопков аатынан улуустааҕы гимназия 8 кылааһын үөрэнээччитэ Роман Кутуков «Сураҕа суох саллаат» хоһоонунан саҕалаата. Аҕа дойду Улуу сэриитигэр олохторун толук уурбут буойуттарбытын кэриэстээн биир мүнүүтэлээх чуумпуран туруу буолла. Ол кэннэ улуус баһылыга Юрий Слепцов, улуус депутаттарын сэбиэтин председателэ Алексей Винокуров, тыыл ветерана, Иван Бубякин, Ленскэй нэһилиэк баһылыга Петр Сокольников, улуустааҕы гимназия директорын иитэр үлэҕэ солбуйааччы Егор Протопопов тыл эттилэр.
Анна Нестерева мустубут дьоҥҥо ырыатын анаата.
Нэһилиэк олохтоохторо «Өйдөбүнньүк чүмэчитэ» аахсыйаҕа кыттыһан чүмэчи уматан ууран «За нами победа» диэн сурук таһаардылар.
Халлаан төһө да тымныытын иһин ураты суолталаах тэрээһиҥҥэ элбэх киһи кытынна диэн «Нам улууһа» МТ пресс-сулууспата суруйар.
Бу ураты каарта оҕолорго төрөөбүт дойдуларын дириҥник өйдүүргэ уонна умнуллубат өйдөбүллэри бэлэхтиэҕэ. Манна Саха сирин…
Соторутааҕыта Ыксаллаах быһыы-майгы министиэристибэтин 35 сылыгар аналлаах тэрээһин Уһук Илин бастыҥ баһаарынайдарын түмтэ. Бу туһунан…
От ыйын 3 күнүттэн 5 күнүгэр диэри Нерюнгрига өрөспүүбүлүкэтээҕи Олоҥхо ыһыаҕа ыытылларынан сибээстээн, арыгыны атыылааһыҥҥа…
От ыйын 4-8 күннэригэр Дьокуускайдааҕы VIII норуоттар икки ардыларынааҕы киинэ бэстибээлэ ыытыллыаҕа. Быйылгы бэстибээл сүрүн…
Бүгүн Мииринэй оройуонугар баар «Саха сирин тыыннаах алмаастара» пааркаҕа («Живые алмазы Якутии») пааркаттан үөрүүлээх сонун…
Өлүөхүмэҕэ саҥа оҕо поликлиникатын үөрүүлээхтик астылар. Урут поликлиника 1980-с сыллардааҕы дьиэҕэ баар эбит. Билигин тэрилтэҕэ…