Хаартысканы Екатерина Стручкова тиксэрдэ.
Нам улууһун Хатырык нэһилиэгэр халаан уутуттан эмсэҕэлээбит Александра Васильевна Слепцова бааһынай хаһаайыстыбатыгар көмө быһыытынан бастакы 5 ньирэй кэллэ.
Бу ньирэйдэри Ньурба улууһуттан «Сиибиктэ» бааһынай хаһаайыстыба салайааччыта, СӨ тыатын хаһаайыстыбатын үтүөлээх үлэһитэ Любовь Васильевна Иванова бэйэтин үлэһиттэрин кытары 900-чэ км айаннатан аҕаллылар. Ол курдук, бу ньирэйдэри 200-тэн тахса сүөһүлээх улахан хаһаайыстыба үлэһиттэрэ Степан Васильевич Иванов, ветеринар Елена Валерьевна, управляющай Игорь Николаевич көрөн-истэн этэҥҥэ аҕаллылар.
Сүөһү иитиитинэн дьарыктанар Александра Васильевна бу иэдээҥҥэ түбэспиттэригэр күүс-көмө буолбут, санааларын көтөхпүт биир идэлээхтэригэр истиҥ махталын тиэрдэр. Санаатын түһэрбэккэ салгыы үлэлиир-хамсыыр баҕатын биллэрэр.
Өрөспүүбүлүкэ атын да улуустара: Хаҥалас, Амма, Чурапчы, Кэбээйи эмиэ көмөлөрүн ыыттылар уонна ыыта да тураллар.
Екатерина Стручкова, Нам улууһун бааһынай хаһаайыстыбаларын уонна кооперативтарын бэрэссэдээтэлэ.
От ыйын 9 күнүгэр киэһэ хойут Саха сирин быыһааччылара тыаҕa муммут 85 саастаах киһини көрдүү…
Хаҥалас улууһун борокуратууратын бэрэбиэркэтин түмүгэр, улуус дьаһалтата бэдэрээччиккэ успуорт былаһааккатын тутууга аспаал-бетон бүрүөһүнүн тэлгээһин уонна…
От ыйын 9 күнүгэр Дьокуускай куорат сиригэр-уотугар 9 суол саахала бэлиэтэннэ, онтон бииригэр биир киһи…
Саха сиригэр сир аһын маассабайдык хомуйуу болдьоҕо бигэргэннэ. Ол курдук, от ыйын 10 күнүттэн хас…
Сэрэдэҕэ, от ыйын 9 күнүгэр, Саха сиригэр 5 буруйу оҥоруу тахсыбыта бэлиэтэммит. Бу туһунан СӨ…
«Медведь» позывнойдаах Алексей Петров РФ Бэрэсидьиэнэ Владимир Путин 2025 сыл от ыйын 6 күнүнээҕи Ыйааҕынан…