Наркотигынан эргинээччи 6 сылга хаайыллыбыт

Алдан улууһун 39 саастаах олохтооҕо наркотик атыытыгар түбэһэн уһун болдьоххо хаайыыга барда.

Силиэстийэ көрдөрбүтүнэн, кини 2023 сыл олунньутугар, үлэлиир сиригэр наркотиктаах шприһи булбут. Булумньутун кэнники билэр киһитигэр 15 тыһыынча солкуобайга атыылаабыт.

Атыылаабыт дьаатын кээмэйэ обургунан ааҕыллыбытынан сибээстээн, суут эр киһини 6 сыл кытаанах эрэсиимнээх холуонньаҕа угарга уураах таһаарбыт.