Сахаговтан
РФ Уопсастыбаннай палаататын чилиэнэ Наталья Кашперская хас биирдии дойдутун таптааччы Арассыыйа бэрэсидьиэнин Владимир Путин быһа лииньийэтин бүгүн көрө олороругар уонна дойду баһылыга туох туһунан этэрин болҕойон истэригэр бүк эрэнэр.
“Биллэн турар, Арассыыйаҕа бүттүүнүгэр курдук, биһиги дойдубут лиидэрин кытта бу баар курдук эрэсииминэн кэпсэтэр кыахтаныы сүрүн суолталаах. Эрдэттэн устуу да буолбатах, атын ханнык даҕаны көрүҥү буолбакка, быһаччы кэпсэтии дьоһун суолталаах, тоҕо диэтэххэ, уопсай дьыалаҕа бары кыттыгастаах курдук сананабыт. Биһигини долгутар ыйытыыны биэрэн, балаһыанньаҕа сабыдыаллыырбытын биһиги өйдүүбүт. Быһа лиинньийэ кэмигэр ханнык эрэ, баҕар, наһаа да глобальнай буолбатах эрээри, олус суолталаах боппуруостар быһаарыллалларын хаста эмэтэ көрөн турабыт”, — диэн бэлиэтээтэ кини.
Наталья Кашперская билигин ким эрэ эрийэн, кыайан тиийбэтэх буоллаҕына, кини санаатын истибэккэ хаалыахтара суоҕа диэҥҥэ болҕомтону туһаайар. Дьону долгутар ханнык баҕарар көннөрү ыйытыы сыһыанаах бары сиригэр-уотугар быһаарыллыаҕа.
“Владимир Владимировичка нэһилиэнньэни кытта кэпсэтиитэ дьоһун суолталааҕар болҕомтоҕутун ууруҥ. Кини олус сэргээн истэр, сытыы ыйытыыларга олох өрүкүйэн туран хоруйдуур. Быһа линия – бу дьонтон долгутар кыһалҕаларын туһунан билэргэ, салгыы ханнык эрэ чопчу быһаарыылары ылынарга уонна стратегическай соруктары туруорарга көмөлөһөр”, — диэтэ кини.
Наталья Кашперская олох-дьаһах тупсан иһэр, онон маннык туһаайыыттан туоруурбут табыллыбат диэн бэлиэтиир. Кини этэринэн, Арассыыйа хас биирдии олохтооҕо бэйэтин дойдутунан киэн туттар кэмэ кэллэ.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата.
Александр Бастрыкин Светлай бөһүөлэгэр бэйдиэ сылдьар ыттар үөрдэрэ саастарын ситэ илик оҕолорго саба түспүт чахчытынан…
Норуоттар сомоҕолоһууларын күнүгэр «Норуот уонна аармыйа — биир сомоҕо» фашизмы утары өрөспүүбүлүкэтээҕи III пуорум чэрчитинэн,…
Бүгүн, сэтинньи 4 күнүгэр, СӨ Бырабыыталыстыбатын бэрэссэдээтэлэ Кирилл Бычков Норуот сомоҕолоһуутун күнүгэр анаммыт «Доҕордоһууну, Эйэни,…
Норуот сомоҕолоһуутун күнүгэр Дьокуускайга автопробег ыытылынна. Бу туһунан Дьокуускай куорат дьаһалтатын пресс-сулууспата иһитиннэрэр. Массыына холуонната…
Байанай ыйа саҕаланар биир күнүгэр Клара Андреевна уонна Никандр Прокопьевич Тимофеевтарга улуу олоҥхону дьоһуннаан олорон…
РФ Силиэстийэлиир кэмитиэтэ Саха сиригэр Алдан куоракка саахалланар туруктаах дьиэ олохтоохторун өр кэмҥэ көһөрбөтөх чахчытынан…