Нэдиэлэ саҕаланыаҕыттан оҕо кыттыылаах түөрт суол саахала бэлиэтэннэ
Бэс ыйын 18 күнүгэр киэһэ өттүгэр киин куорат Борисовка-1 түөлбэ 41 №-дээх дьиэтин аттыгар сокуоннай сааһын ситэ илик матыһыыкылтан охтон, араас эчэйиилээх балыыһаҕа киирдэ.
Бэс ыйын 19 күнүгэр киэһэ 17:31 чааска Богдан Чижик — Богатырев уулуссалар быһа охсуһуутугар 1995 с.т. суоппар «Нисан АД» массыынанан суолу туораан иһэр 2016 с.т. оҕону түҥнэри көттө. Сис тоноҕоһо тостуулаах оҕону балыыһаҕа киллэрдилэр.
Оттон бэс ыйын 20 күнүгэр сокуоннай саастарын ситэ илик оҕолор кыттыылаах икки суол быһыылаана регистрацияланна.
Күнүс 13:00 чаас саҕана Хатыҥ Үрэх шоссеҕа 7 км 40-ча саастаах суоппар «Тойота-Ист» массыынанан «Тойота-Аристо» массыынаны кытта харсыста. Саахал түмүгэр 3 киһи эчэйдэ, ол иһигэр сокуоннай сааһын ситэ илик пассажир.
Ити күн киэһэ 16:00 чааска Дзержинскай аатынан уулуссаҕа 15 саастаах бэлисипиэдтээх оҕону парковкаҕа киирэн иһэр «Нисан АД» массыына суоппара түҥнэри көттө. Оҕо дьолго эчэйии ылбатах.
Госавтоинспекция пресс-сулууспата суолга болҕомтолаах буоларга уонна суол быраабылатыгар эппиэтинэстээхтик сыһыаннаһалларыгар ыҥырар.
Сообщить об опечатке
Текст, который будет отправлен нашим редакторам: