Нэдиэлэтээҕи гороскоп (тохсунньу 16-23 күннэрэ)

Хой

Бу күннэргэ дьону кытта иирсибэккэ сырыт. Истибитиҥ барыта кырдьык буолуо эмиэ биллибэт. Онон ситэ билбэт дьоҥҥун кытта алтыһартан туттунарыҥ ордук. Тус олоҕуҥ туһунан ыһа-тоҕо кэпсээмэ. Дьиэни-уоту тупсарарга тоҕоостоох кэм.

Оҕус

Үпкэ-харчыга сыһыаннаах дьыалаҕа былаана суох атыылаһыы, ороскуоттаныы үчүгэйгэ тиэрдибэт. Үлэҕэ сыһыаннаах дьыалаҕа болҕомтолоох буол. Дьон тылыгар киирбэт гына сылдьа сатаа. Нэдиэлэ иккис аҥаара этэҥҥэ ааһыаҕа.

Игирэлэр

Нэдиэлэ саҥата эриэ-дэхси, күннээҕи түбүктэр, дьиэ-уот тула эргийэр. Нэдиэлэ иккис аҥаарыттан үпкэ-харчыга сыһыаннаах дьыалаҕа болҕомтолоох буолуу ирдэнэр. Сатаан суоттаммакка, кыһалҕаҕа ылларыаххын сөп.

Араак

Олоххо тус сыаллаах олоруу улахан суолталааҕын өйдүөҥ. Дьиэ кэргэн кыһалҕатын өрө тутуоххун наада. Бу күннэргэ иэстээх олох сылдьыма. Нэдиэлэ бүтүүтэ барыта орун-оннугар буолуоҕа.

Хахай

Нэдиэлэ саҥата соһуччу уонна соччото суох түгэннэринэн толору буолуоҕа. Сулустар сүбэлииллэринэн, эчэйии ылбат туһуттан ханнык да дьайыыны оҥорбот наада. Успуордунан дьарыктанааччылар хамаанданан оонньууларга кыттартан туттунуҥ. Нэдиэлэ бүтүүтэ чуумпутук атаарар ордук.

Кыыс

Дьиэ кэргэҥҥэ барыта этэҥҥэ, чугас киһигин кытта уопсай тылы булаҕын. Онон инники былааннары торумнуур туһалаах буолуоҕа. Үлэҕэ-хамнаска ночоотуруоххун сөп, онон ороскуоккун сөпкө суоттана сырыт.

Ыйааһын

Нэдиэлэ саҥата доруобуйаҕар болҕомто ууруоххун наада. Аскын-үөлгүн көрүнэ, туттуна сырыт. Чугас дьону кытта сыһыаҥҥа болҕомтолоох буол. Өр көрсүбэтэх дьоҥҥун көрсөн ирэ-хоро кэпсэтиэҥ, онтон дуоһуйуу ылыаҥ.

Скорпион

Сүрэҕиҥ долгуйар кэмэ. Онон сөбүлүү көрбүт киһигин кытта уопсай тылы буларга дьулус. Дьиэ кэргэннээх скорпионнар холкутуу сатыыллара туһаны аҕалыа. Аҕам саастаах аймахтарга тулуурдаах буол.

Охчут

Дьиэ кэргэн олоҕор болҕомтолоох буол. Аҥааргын өйдүү сатаа. Бэйэҥ эрэ эппиккинэн муҥурданыма. Нэдиэлэ ортото суолталаах дьыалаҕа, докумуоҥҥа болҕомто ирдэнэр. Сыыһаны-халтыны оҥорортон туттун. Куһаҕан дьаллыктан аккаастанар кэм.

Чубуку

Нэдиэлэ саҥата бэйэҥ доруобуйаҕар кыһаныаххын наада буолбут. Иммунитетыҥ түһүөн сөп. Элбэх дьонноох сиргэ сылдьа сатаама. Халыҥнык таҥна-сапта сырыт. Дьону кытта кэпсэтиигэ кэтэх эрэ өттүн санаама. Нэдиэлэ иккис аҥаара тус олоххор табыллар кэм. Сыһыаны тупсарыыга тоҕоостоох кэм.

Күрүлгэн

Нэдиэлэ устата үпкэ-харчыга сыһыаннаах дьыалаҕа ылсыаҥ. Ороскуот бөҕө күүтэр. Онон сөпкө суоттана, ааҕына сырыт. Бу ордук саҥа билсиһии кэмигэр тапталлааххар сыаналаах бэлэх-туһах атыылаһыыттан тахсар ороскуот буолуон сөп. Таптал харчынан эрэ кээмэйдэммэт диэн санааны өйдүөххүн наада.

Балыктар

Баҕа санааҥ уонна буола турар быһыы-майгы ардыгар сөп түбэспэттэр. Бу ордук соҕотох балык бэлиэлээхтэргэ туһааннаах. Дьону кытта кыыһырсыбат курдук сылдьа сатаа. Дьиэ кэргэҥҥэ барытын уопсай сүбэнэн быһаарыы ситиһиилээх буолуо.