Хаартыска: ааптар түһэриилэрэ
Бүгүн, олунньу 27 күнүгэр, Саха сиригэр Доруобуйа национальнай күнүн дэкээдэтин чэрчитинэн, Хаҥалас улууһун Өктөм сэлиэнньэтигэр “Саха Өрөспүүбүлүкэтигэр Доруобуйа национальнай күнэ: 25 сылга үгэстэр уонна ситиһиилэр” өрөспүүбүлүкэтээҕи пуорум тэрилиннэ.
Килиэп-буулка араас бородууксуйаларын оҥорон, өрөспүүбүлүкэ 29 улууһун хааччыйар Нөмүгүтээҕи килиэп собуотун (НХЗ) салайааччыта, Саха сирин бочуоттаах мецената Вячеслав Нестеров пуорумҥа кытынна. Ону сэргэ, пуорум кыттыылаахтарыгар НХЗ хампаанньа бородууксуйатын билиһиннэрдилэр.
Вячеслав Нестеров эппитинэн, НХЗ Доруобуйа Национальнай күнүгэр аналлаах пуорумҥа иккис төгүлүн кытталлар. Хампаанньа кэнники сыллардааҕы ситиһиитинэн “Д” битэмииннээх килиэбэ буолар. Саха сиригэр күн уота тиийбэтинэн, хас биирдии киһиэхэ “Д” битэмиин хайаан да наада. Оннук битэмиини НХЗ оҥорор килиэбэр эрэ булуохха сөп. Ону таһынан организм Д битэмиини үчүгэйдик иҥэринэрин туһугар, килиэп састаабыгар тимир уонна магний бааллар.
Хампаанньа кэлэктиибин тутуһар тускула — Саха сирин нэһилиэнньэтин доруобуйатын бөҕөргөтөргө чөл олоҕу тутуһуу. Ол да иһин, чөл туруктаах кэлэктиип үлэһиттэрин көҕүлээн, хампаанньа бастыҥ үлэһиттэригэр 12 массыынаны бэлэхтээбиттэрэ. Онтон быйыл хампаанньа тэриллибитэ 15 сылыгар өссө үс массыынаны бэлэхтээн, 15 массыынаҕа тириэрдэр былааннаахтар.
Нөмүгүтээҕи килиэп собуотун сүрүн соруга – өрөспүүбүлүкэ олохтоохторун хаачыстыбалаах бородууксуйанан хааччыйыы.
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…
Дойдутааҕы МАХ мессенджергэ 75 мөлүйүөн туһанааччы бэлиэтэннэ. Платформа пресс-сулууспата иһитиннэрбитинэн, ахсынньыга сервиһи ортотунан суукка аайы…
Саҥа дьыллааҕы бырааһынньыктар иннинэ түөкүттэр былаас аатыттан сымыйа төлөбүрдэринэн уонна «бэлэхтэринэн» албынныыр ньыманы көхтөөхтүк туһанан…
Ахсынньы 20 күнүгэр Дьокуускайга «Спортивнай» түөлбэҕэ элбэх хайысхалаах успуорт саалатын үөрүүлээх аһыллыыта буолла. СӨ Ил…
Ахсынньы ыйыгар Саха сиригэр кыһыҥҥы суоллар аһыллыбыттарын үрдүнэн, улуустар икки ардыларынааҕы таксыы сыанатыгар биллэр-көстөр чэпчэтии…