Нерюнгрига массыыналар харсыстылар, биир киһини госпитализациялаатылар

Саха сиригэр ааспыт сууккаҕа биэс буруйу оҥоруу тахсыбытын туһунан СӨ борокуратуура иһитиннэрэр.

Мииринэй оройуонугар дьахтар түөкүттэр угаайыларыгар киирэн биэрэн, 1,7 мөл. солк. албыннаппыт.

Дьокуускайга наркотигынан эргиммиттэрэ биллибит. Итиэннэ киин куоракка сокуоннайа суохтук арыгыны атыылаабыт дьон иккистээн тутуллубуттар.

Хаҥалас улууһугар суоппар быраабын сымыйанан оҥорбуттара биллибит.

Киһи өлүүлээх суол быһылаана буолбата.

Нерюнгри оройуонугар «Тойота Королла» маркалаах массыына суоппара суол утары балаһатыгар тахсан, «Ивеко» массыынаны кытта харсыспыт. «Тойота Королла» суоппарын балыыһаҕа киллэрбиттэр.

Суукка иһигэр тоҕус итирик туруктаах суоппары туппуттар.