Сэллик ыарыылаах дьахтары күүһүнэн эмтэниигэ ыыттылар

Нерюнгри оройуонугар суут бириистэптэрин хонтуруолунан, наадалаах эмтэнииттэн аккаастаммыт олохтоох дьахтар күүһүнэн балыыһаҕа киллэрилиннэ. Суут быһаарыытынан, Нерюнгритааҕы суут бириистэптэрин отделынан  аһаҕас сэллик ыарыылаах дьахтары күүһүнэн эмтиир туһунан дьыала тэриллибит.

Стационарнай уонна медикаментознай эмтэнииттэн аккаастаммыт дьахтар  кутталы үөскэтэрэ уонна доруобуйа харыстабылын эйгэтигэр олохтоохтор бырааптарын кэһэрэ. Сэллик ыарыылаах дьахтар Нерюнгритааҕы сэллиги утары диспансерга киллэрилиннэ, диэн СӨ Суут бириистэптэрин управлениетын пресс-сулууспата иһитиннэрэр.