Ил Дархан, бырабыыталыстыба дьаһалтатын пресс-сулууспата
Нерюнгри оройуонун Чульман бөһүөлэгэр «Нерюнгри» аэропорт саҥа дьиэтэ тутуллан киирдэ. Үөрүүлээх тэрээһиҥҥэ Айсен Николаев уонна Салгын тырааныспарын федеральнай ааҕыныстыбатын аэропортарга управлениетын начаалынньыга Александр Аверкиев кытыннылар.
Бэрэсидьиэн көҕүлээбит «Комплексный план модернизации и расширения магистральной инфраструктуры» национальнай бырайак чэрчитинэн, Росавиация сакааһынан, «СтройДорСервис» хампаанньа туппут. Тутуу сыаната — 9,8 миллиард солкуобай.
Эргэ аэровокзал 100 киһиэхэ анаммыт, 1987 сыллаахха тутуллубут этэ. Билигин саҥа вокзал күҥҥэ 300 киһини көтүтэр кыахтаах, аныгы аэропорт ирдэбилигэр барытыгар эппиэттиир систиэмэлэрдээх. Ханнык баҕарар салгын аала кэлэн түһэр кыахтаах.
Дьиэ уопсай иэнэ — 9 тыһ.кв.м., 2 этээстээх, остолобуойдаах, ийэ-оҕо хоһо, пассажирдар күүтэр саалалара, таһаҕас уурар камера, о.д.а. барыта баар. Ону тэҥэ, тэлгэһэтигэр саахалга быыһыыр ыстаансыйа, уматык ыскылаата, хонтуруоллуур-аһардар пуун, о.д.а. баар.
Икки сыллааҕыта Нерюнгри аэропордугар көтөр-түһэр балаһа өрөмүөннэммитэ. 3,6 тыһыынча миэтэрэ уһуннаах, 45 миэтэрэ кэтиттээх балаһа улахан да сөмөлүөттэри түһэрэр-көтүтэр кыахтаммыта.
Нерюнгри аэропорда Чульман бөһүөлэгиттэн 8 килэмиэтирдээх сиргэ баар. Туймаадаҕа хойуу туман түстэҕинэ, Дьокуускай аэропордун саппаас аэродрома буолар. Мантан Арассыыйа киинигэр сөмөлүөттэр быһа көтөллөр.
Бу национальнай бырайыагынан өрөспүүбүлүкэ 14 аэропорда саҥардыллыаҕа. Үөһээ Бүлүүгэ, Эдьигээҥҥэ, Сангаарга, Үрүҥ Хайаҕа, Депутатскайга, Дьокуускайга, Черскэйгэ саҥардыллыбыттара. Сотору кэминэн Усть-Ньара, Полярнай, Өлүөхүмэ, Мииринэй аэропортара саҥардыллыахтара.
Ил Дархан, бырабыыталыстыба дьаһалтатын пресс-сулууспата.
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…
Дойдутааҕы МАХ мессенджергэ 75 мөлүйүөн туһанааччы бэлиэтэннэ. Платформа пресс-сулууспата иһитиннэрбитинэн, ахсынньыга сервиһи ортотунан суукка аайы…
Саҥа дьыллааҕы бырааһынньыктар иннинэ түөкүттэр былаас аатыттан сымыйа төлөбүрдэринэн уонна «бэлэхтэринэн» албынныыр ньыманы көхтөөхтүк туһанан…
Ахсынньы 20 күнүгэр Дьокуускайга «Спортивнай» түөлбэҕэ элбэх хайысхалаах успуорт саалатын үөрүүлээх аһыллыыта буолла. СӨ Ил…
Ахсынньы ыйыгар Саха сиригэр кыһыҥҥы суоллар аһыллыбыттарын үрдүнэн, улуустар икки ардыларынааҕы таксыы сыанатыгар биллэр-көстөр чэпчэтии…