Хаартыска: РИА саайтан.
Армения премьер-миниистирэ Никол Пашинян Карабах сорох оройуоннара Азербайджан састаабыгар киирсэллэрин билинэрин туһунан Экэниэмикэ Евразиятааҕы үрдүкү сэбиэтин мунньаҕар иһитиннэрдэ.
Бу мунньахха Армения уонна Азербайджан сыһыаннаһыыларын туһунан кэпсэтии биир сүрүн миэстэни ылла. Евразиятааҕы экэниэмикэ үрдүкү сэбиэтин мунньаҕар бу икки дойду бэйэ-бэйэлэригэр үҥсүһүүлэрэ-харсыһыылара суоҕун бэлиэтээтилэр.
— Сойуус мунньаҕын чэрчитинэн, үс дойду — Арассыыйа, Армения уонна Азербайджан мунньах ыыттыбыт. Мунньахха Армения Карабах сорох оройуоннара Азербайджан сирэ-уота буолалларын билинэрин иһитиннэрдим. Бу чааһыгар биһиги үлэлэһиибит түмүктээх буолла. Армения суол-иис, тырааныспар, экэниэмикэ өттүгэр туох баар хааччахтары устарга бэлэм, — диэн Армения премьер-миниистирэ иһитиннэрдэ.
Маны таһынан Никол Пашинян мунньахха Экэниэмикэ Евразиятааҕы сойууһугар киирсэр дойдулары кытары үлэлэһиини үрдүктүк тутарын, сойуус аан дойду таһымыгар бииргэ тутуһан үлэлиирэ ордугун бэлиэтээтэ. Санатан эттэххэ, бу сойууска Арассыыйа, Казахстан, Кыргызстан, Белоруссия уонна Армения сүрүн чилиэн быһыытынан сылдьаллар.
— Энергетикаҕа да, тыа хаһаайыстыбатыгар да, экэниэмикэ араас эйгэтигэр да аан дойду таһымыгар бииргэ үлэлиирбит инникитин кэскиллээх буолуоҕа. Маннык пуорум ыытыллара көдьүүһэ улахан. Дойдулар икки ардыларыгар бырайыактары олоххо киллэриигэ төһүү буолар. Армения салгыы да үлэлэһэргэ бэлэм, — диэн бэлиэтээтэ кини.
Бырабыыталыстыба отчуота Муома улууһугар Кулун Өлбүттэн бүгүн, олунньу 2 күнүттэн, саҕаланна. Вице-премьер Георгий Степанов салайар…
Саха сиригэр устудьуоннар оҥорбут бастакы спутниктара — «Чолбон» аппараат космоска тахсан, Сир үрдүнэн 510-550 килэмиэтир…
Олунньу 2 күнүгэр Дьокуускайга Арассыыйатааҕы Буойун албан аатын күнүн бэлиэтиир өйдөбүнньүк тэрээһиннэр ыытылыннылар — бу…
Олунньу 2 күнэ -- Сталинграды босхолооһун күнэ. Бу Сэбиэскэй Аармыйа ситиспит Улуу Кыайыыта бүтүн аан…
Аатырбыт "Алеша" Танк экипаһын хамандыыра, Арассыыйа Дьоруойа Александр Сергеевич Леваков байыаннай дьайыы саҕаланыаҕыттан Саха сириттэн…
Олунньу 2 күнэ - Арассыыйаҕа Сталинград кыргыһыытыгар Сэбиэскэй аармыйа ньиэмэс-фашист күүстэрин үлтүрүппүт бэлиэ күнэ. Сталинград…