СӨ уопсастыбаннай палаататын бэрэссэдээтэлэ Николай Бугаев дойдуга ыытылла турар анал байыаннай эпэрээссийэҕэ тус санаатын үллэстэр.
— Уустук байыаннай балаһыанньанан биһиги, уопсастыбаннай координационнай киин, МЫВМЕСТЕ# диэн волонтерскай хамсааһыны эрэгийиэҥҥэ үлэлэтэбит. Өрөспүүбүлүкэ бары кэриэтэ улуустарыгар маннык волонтерскай ыстааптар тэрилиннилэр. Ол курдук хамсааһын таҕыста диэн этиэххэ наада. Улуустар, өрөспүүбүлүкэ араас тэрилтэлэрэ байыаннай хомуурга барбыт дьоммутугар туох тиийбэтинэн көмө оҥорон эрэллэр. Бэлиэтээн эттэххэ, ырыынакка, маҕаһыыннарга аптечкалар бүтэн хаалбыттарыгар, биһиэхэ иистэнньэҥнэрбит абыраатылар. Ол курдук, аптечка бөҕөтүн тигэн, эмп-томп хаалаан сулууспалыы сылдьар дьоммутугар ыыттыбыт. Маны сэргэ, антах сулууспалыы сылдьар дьоммутугар суунар-тараанар усулуобуйа суоҕунан ис таҥас, ону сэргэ кыһын кэлэн эрэринэн, сылаас таҥас эбии хомуйан эрэбит. Кыстыкка киириигэ эр киһитэ суох тыа сиригэр уустуктардаах. Онон байыаннай хомуурга барбыт дьоммут дьиэ кэргэттэрин көрүү-истии туһунан боппуруоска улуустар түөлбэлэрин кытта үлэлэһэн эрэбит. Муус ылыыта, оттук мас, муҥха о.д.а боппуруостарга биһиги сулууспалыы барбыт дьонноох дьиэ кэргэттэрбитигэр көмөлөһүөхтээхпит уонна өйүөхтээхпит. Бу уустук кэмҥэ бары түмсүүлээх буолуохтаахпыт.
Манна эбэн эттэххэ, Саха сирэ Москваҕа байыаннайдары өйүүрү сүрүннүүр киини арыйда. Киин анаан-минээн Саха сириттэн төрүттээх байыаннайдарга уонна дьиэ кэргэннэригэр өйөбүлү тэрийэри, дойдубут саҥа сирдэрин-уоттарын чөлүгэр түһэриини, нэһилиэнньэҕэ гуманитарнай көмөнү ыытары үүннүөҕэ-тэһиинниэҕэ, Москва куоракка Саха сирин бастайааннай бэрэстэбиитэлэстибитин баазатыгар үлэлиэҕэ диэн Ил Дархан Айсен Николаев иһитиннэрдэ.
Бүгүн, Улуу Кыайыы 79 сылын көрсө, «Кыайыы Знамята» аахсыйа чэрчитинэн Наталия Яцышина салайааччылаах Уус-Ньаратааҕы гимназист-волонтердар…
Саха сиригэр эдэр табаһыттар дьиэ тутталларыгар эбэтэр дьиэ атыылаһалларыгар 2 мөл. солк. диэри төлөбүр кээмэйин…
Саха сирин сүүмэрдэммит хамаандатын дзюдоистара Уһук Илин чөмпүйэнээтигэр икки кыһыл көмүс мэтээли ылары ситистилэр. Алина…
Арассыыйаҕа Дьиэ кэргэн уонна Саха сиригэр Оҕо саас сыла Ньурбаҕа бэлиэ түгэнинэн саҕаланна. Ыам ыйын…
Дьокуускайдааҕы кадеттар интэринээт-оскуолатын дириэктэрэ Алексей Корякин патриотизм туһунан санаатын үллэһиннэ. “Патриотизм төрөөбүт дойдуга, дьиэ кэргэҥҥэ…
“Улуу Арыйыылар аартыктарынан” («По пути Великих свершений») бырайыак чэрчитинэн Нуучча Географиятын уопсастыбатын (РГО) Саха сиринээҕи…