Василий Кононов хаартыскаҕа түһэриитэ
Бэҕэһээ Дьааҥыттан төрүттээх байыаннай дьайыы кытыылаахтара уоппускаҕа кэллилэр. Кинилэри Дьокуускай куорат аэропордугар Тихоокеанскай флот морской пехотатын 155-с биригээдэтигэр бииргэ сулууспалаабыт уолаттара уонна бойобуой доҕотторо көрүстүлэр.
Ону таһынан байыастары норуот дьокутаата Юрий Николаев көрүстэ. Ол туһунан Ил Түмэн пресс-сулууспата иһитиннэрэр.
«Бу кэлбит байыас Дьааҥы улууһун кыра дэриэбинэтиттэн сылдьар. Бэлиэтээн эттэххэ, бу кыракый дэриэбинэттэн бэйэлэрин баҕаларынан уонна мобилизациянан ыҥырыллан 17 киһи байыаннай дьайыыга кытта сылдьар. Кинилэр бары этэҥҥэ сылдьаллар, чугас дьонноругар уонна аймахтарыгар эҕэрдэ ыыталлар. Порка көрсүһүүгэ Дьааҥыттан төрүттээх өссө биир байыас кэллэ. Манна билбиппитинэн, кини Хабаровскай госпиталыгар эмтэнэн баран поеһынан саҥа кэлбит. Онон этиэм этэ, Илин Уһук уокуругуттан поеһынан уоппускаларыгар кэлээччи байыаннай дьайыы кыттыылаахтара Ил Түмэн уонна Бырабыыталыстыба өттүттэн болҕомтоҕо ылыллыбакка хаалаллар эбит. Ити түгэни учуоттуохха наада», — диэн эттэ норуот дьокутаата Юрий Николаев.
Уолаттар олохторун-дьаһахтарын, байыас күннээҕи олоҕун туһунан кэпсээтилэр.
«Биһиги байыастарбыт гуманитарнай көмөнү, дьонноруттан баһыылкалары чаастатык ыыталларыгар көрдөһөллөр. Байыаннай дьайыыга кытта сылдьар уолаттар чугас дьонноруттан кэһии, сурук туталларын олус астыналларын, санаалара көтөҕүллэрин, ол гынан баран олус хойутаан тиксэрэллэрин этэллэр», — диэн норуот дьокутаата уолаттар көрдөһүүлэрин тириэртэ.
Үгэс быһыытынан, Юрий Николаев байыаннай дьайыы кыттыылаахтарыгар өрөспүүбүлүкэ баһылыгын аатыттан саха быһаҕын туттарда.
СӨ Ил Дархана Айсен Николаев Олохтоох салайыныыны сайыннарыы Бүтүн Арассыыйатааҕы Ассоциациятын (ВАРМСУ) VIII сийиэһигэр Үрдүкү…
Дьокуускайга ахсынньы 21 күнүгэр диэри ГАИ патруллара күүһүрдүллүбүт эрэсиимнээх үлэҕэ көстүлэр. Сүрүн төрүөтэ – 11…
Михаил Варламов саха профессиональнай боксатын устуоруйатыгар аан бастаан Азия чөмпүйүөнүнэн буолла. Саха күрэсчитэ уон раундтаах…
Ааспыт сууккаҕа Саха сиригэр түөрт буруйу оҥоруу тахсыбыта бэлиэтэммит. Бу туһунан бэнидиэнньиккэ, ахсынньы 8 күнүгэр,…
Госдууума дьокутааттара страховой биэнсийэҕэ сыл аайы эбии төлөбүрү олохтуур туһунан этии киллэрдилэр. Уларытыылары "Страховой биэнсийэлэр…
Бүгүн, ахсынньы 8 күнүгэр, Дьокуускай куоракка былааннаммыт суһал өрөмүөн үлэлэрэ ыытыллалларынан, сорох аадырыстарга быстах кэмҥэ…