Василий Кононов хаартыскаҕа түһэриитэ.
Бүгүн Ил Түмэн алтыс ыҥырыылаах пленарнай мунньаҕар дьокутааттар СӨ Киһи быраабын боломуочунайын 2023 сыллаах үлэтин отчуотун иһиттилэр.
Болмуочунай Сардаана Гурьева эппитинэн, ааспыт сылы дойду бэрэсидьиэнэ Владимир Путин Учуутал уонна уһуйааччы сылынан биллэрбитинэн, сүрүн болҕомто үөрэх эйгэтин үлэһиттэрин уонна идэлэрин суолтатын үрдэтэргэ, эдэр исписэлиистэри учуутал идэтигэр тардыы буолбут. Итини сэргэ Киһи быраабыгар боломуочунай ИДьМ үлэһиттэрин кытары бииргэ үөрэх тэрилтэлэригэр сылдьан, ыччаты патриотическай иитиигэ үлэни күүһүрдүбүт.
Ааспыт сыл Саха сиригэр Үлэ киһитин сылынан биллэрэн, биир сүрүн хайысха үлэһит дьону көмүскүүргэ, үлэ кэллэктиибигэр тахсыбыт мөккүһүүлээх өрүттэри быһаарарга болҕомто ууруллубут.
Дьон быраабын уонна көҥүлүн көмүскүүр туһуттан боломуочунай судаарыстыбаннай уорганнарга, дуоһунастаах дьоҥҥо уонна олохтоох салайыныы уорганнарыгар рекомендация оҥоһуллубутун бэлитээтэ.
Дьокуутаат Александр Сусоев ханнык түгэҥҥэ Киһи быраабын көмүскүүр боломуочунай ирдэбилгэ эппиэттиэ суоҕун сөбүн уонна байыаннай дьайыы кыттыылаахтарын үлэнэн хааччыйарга мэхэньиисим уонна улуустар уопсастыбаннай көмөлөһөөччүлэрин туһунан интэриэһиргээтэ. Оттон Дмитрий Паньков кэнники кэмҥэ дойду үрдүнэн дьиэ кэргэн иһигэр баттабыл, атаҕастабыл, сидьиҥник сыһыаннаһыы тахсыталыыр түгэнигэр Саха сиригэр ону сэрэтэргэ туох үлэ барарын ыйыталаста. Сардаана Гурьева бары ыйытыыларга сөптөөх хоруйу биэрдэ.
Салгыы спикер солбуйааччыта Афанасий Владимиров тустаах эппиэтинэстээх сис кэмитиэт иһинэн Киһи быраабын көмүскүүр боломуочунай ааспыт сыллааҕы үлэтэ көрүллэн, сыаналанан ылыныллыбытын иһитиннэрдэ. Онон СӨ Киһи быраабын боломуочунайын 2023 сыллаах үлэтин отчуота норуот дьокутааттарынан ылылынна.
Бээтинсэ түүнүгэр Дьокуускайга салгын температурата -26...-28 кыраадыска диэри тымныйыаҕа. Күнүс Саха сиринээҕи гидрометеосулууспа кыралаан хаардыырын…
2025 сылга биисинэһи өйүүр сыаллаах «Көдьүүстээх уонна күрэстэһиилээх экэниэмикэ» саҥа национальнай бырайыак саҕаламмыта. Национальнай бырайыак…
Арассыыйа Бэрэсидьиэнэ Владимир Путин көҕүлээһининэн ыытыллыбыт «Доруобуйа харыстабыла» национальнай бырайыагы олоххо киллэрии кэмигэр Саха сирин…
Ааспыт нэдиэлэҕэ байыастарга анаан үс тиэхиньикэ барда. Бу туһунан "Бары бииргэ Кыайыыга!" хамыыһыйа сүрүннүүр киинин…
Өлөөн улууһугар өрүһү туоруур суолу Өлөөн уонна Харыйалаах сэлиэнньэлэрин икки ардыгар астылар. Муус халыҥа 3…
Ил Дархан көҕүлээһининэн Арктика улуустарын үөрэҕин тэрилтэлэригэр эдэр исписэлиистэри сыһыарыыга туһаайыллар “Арктика учуутала” бырайыак ситиһиилээхтик…