Новосибирскайга энцефалиты утары эми-тому оҥордулар

Химическэй биология уонна мэдиссиинэ үнүстүүтүн учуонайдара энцефалиты утары суһаллык көмөнү оҥорор эми-тому оҥордулар. Саҥа препарат клиническэй тургутууну ааста диэн ТАСС суруйар.

Билигин энцефалиттаах клещ ытырбыт киһитигэр иммуноглобулиннаах сыворотка укуолун туруораллар. Бу сыворотканы энцефалит ыарыыттан эмтэммит дьон хааннарыттан оҥороллор. Ол эрээри, хаан препарааттара атын араас титралаах антителалаах уонна ситэри ыраастамматах буолуохтарын сөп. Ол иһин Сибиир учуонайдара искусственнай антителаны айдылар.

Саҥа препарат иммуноглобулинтан 500-тэн тахса төгүл күүстээх.