Дойдубутугар буола турар билиҥҥи уустук балаһыанньа хас биирдиибитин долгутар. Өрөспүүбүлүкэ бары улуустарыгар быстах байыаннай хомуурга ыҥырыллан барбыт эр дьоҥҥо, уолаттарга эминэн, таҥаһынан көмөнү оҥоруу салҕанар.
Алтынньы 19 күнүгэр Ньурба улууһун Хаҥалас нэһилиэгин ийэлэрэ бары биир санаанан салайтаран, быстах байыаннай хомуурга ыҥырыллыбыт дьонноругар, биир дойдулаахтарыгар анаан, сылгы сиэлэ истээх угунньа уонна төбөҕө кэтэр (балаклава) бэргэһэ тигэн бэлэмнээтилэр.
Бу тэрээһини “Алгыс” нэһилиэк дьахталларын түмсүүтэ көҕүлээн ыытта. Түмсүү салайааччыта РФ уопсай үөрэхтээһинин Бочуоттаах үлэһитэ Антонова Елизавета Петровна, уопсастыбаннай тэрээһиннэргэ көхтөөхтүк кыттар Васильева А.П, “Тойук” уус-уран салайааччыта Винокурова В.Ю. бу волонтерскай хамсааһыны ийэлэргэ тэрийэр сыаллаах, Ньурбаҕа култуура департаменыгар үлэлиир Трофимова Наталия Федотовнаҕа сылгы сиэллээх киирэн, маастар-кылааска сылдьан тахсыбыттара.
Нэһилиэк дьахталларын түмсүүтүн уһуннук салайбыт Елизавета Петровна санаатын маннык үллэстэр:
«Алтынньы 18 күнүгэр үһүө буолан култуура департаменыгар Наталия Федотовнаҕа киирэн маастар-кылаас ылан таҕыстыбыт. Кини соҕотоҕун иистэнэ олорор эбит. Ол быыһыгар, Дьааҥыттан төрүттээх, түргэн туттуулаах эбээ киирэн эмиэ көрдөрдө. Эдьиийим Клавдия Петровна эмиэ кэлсэн, көрөн-истэн матырыйаал ылан, бу күннэргэ тигиитин саҕалаабыт. Салгыы Ньурба куорат дьахталларын түмсүүтүгэр сылдьан, патриот Галина Дмитриевна Федороваттан балаклава тигэргэ флис материалын бэриһиннэрдибит. Кинилэр төрдүө буолан үлэлии олороллор эбит. Үрүссээк толору таҥас тикпиттэр, туох суоҕуй диэбит курдук. Сиэпкэ укта сылдьалларыгар алгыс тылларын оҥотторуохпун баҕарабын диэтэ.
«Огни Нюрбы» хаһыат матырыйаалыттан
Ыйытыы: Көһөрүү (перевод) быһыытынан атын тэрилтэҕэ барар буоллахха, харчынан толуйууну (компенсация) ылбакка, атын тэрилтэҕэ кини…
Кулун тутар уонна муус устар ыйдарга Улан-Батор куоракка Монгол цииркэтин сайыннарар киин 10 сыллаах үбүлүөйүн…
Бүгүн, муус устар 27 күнүгэр, Ил Дархан АЙсен Николаев Российскай Федерация уонна Саха Өрөспүүбүлүкэтин судаарыстыбаннай…
Өрөспүүбүлүкэ күнүнэн СӨ Бырабыыталыстыбатын бэрэссэдээтэлин солбуйааччы Анатолий Семенов биллиилээх бэлитиичэскэй диэйэтэл Илья Егорович Винокуров пааматынньыгар…
Дьааҥы улууһун Суордаах нэһилиэгэ быйылгы халаан уутун этэҥҥэ аһарарга эрдэттэн дьаһаммыта. Оннук хабааннаах үлэлэр тэрилиннилэр.…
Судаарыстыбаннай Дуума дьокутаата, нолуок уонна бүддьүөт кэмитиэтин чилиэнэ Галина Данчикова Арассыыйа парламентаризмын күнүнэн эҕэрдэлээтэ. "Саха…