Ньурба олохтооҕо ойоҕун кыыһын күүһүлээн көҥүлэ быһылынна

Ньурба улууһун олохтооҕо сааһын ситэ илик кыыс оҕону күүһүлээн 12 сыл 6 ыйга көҥүлэ быһыллан, хаайылынна.

Бастакы буруйу оҥорор кэмигэр кыыс 12 саастаах эбит. Саха сиринээҕи Силиэстийэлиир кэмитиэтэ иһитиннэрбитинэн, 44 саастаах эр киһи 2019 уонна 2021 сылларга ойоҕо суоҕунан туһанан, ойоҕун кыыһын күүһүлээбит.

Быһылаан буолбутун туһунан кыыс ийэтигэр кэпсээбитигэр, дьахтар эрин көмүскэспит, ол түмүгэр кыыс атын аймаҕар көмө көрдөөн тиийбит.

Эр киһини туппуттар. Кини РФ Холуобунай Кодексатын 132-с ыст. 4-с чааһын «б» пуунунан уонна 3-с чааһын «а» пуунунан — сааһын ситэ илик оҕо көмүскэлэ суох туругунан туһаммытынан, буруйдааҕынан билинилиннэ. Сууттанааччы 12 сыл 6 ыйга кытаанах эрэсиимнээх холуонньаҕа буруйун боруостуурга көҥүлэ быһылынна.