Ньурба улууһугар икки киһи өлүгэ көһүннэ

Ааспыт сууккаҕа Саха сиригэр  буруйу оҥоруу түөрт түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай дьыалалары чинчийиини СӨ Борокуратууратын уорганнара хонтуруолга туталлар.

Ньурба улууһун Маалыкайыгар 2003 с.т. эдэр киһи уонна 1965 с.т. эр киһи өлүктэрэ көһүннэ. Туһааннаах быһылаанынан холуобунай дьыала көбүтүлүннэ. Өлбүт дьон — уол аҕатынаан.

Нерюнгри оройуонугар   1963 с.т. уонна 1973 с.т. биэнсийэлээх дьонтон түөкүттэр «инвестициялааһыҥҥа» албыннаан 1,4 мөл. солк. уонна  3,7 мөл. солк. уордулар.

Ньурба улууһугар Ньурба куоракка чугастааҕы ойууртан  1968 с.т. дьахтар үлүйэн балыыһаҕа  реанимацияҕа киирэн тыына быстыбыт.