Ньурбаҕа Артур Пахомов аатын үйэтитиигэ испэктээк бэлэмнэнэр

Муус устар 27 күнүгэр, Саха Өрөспүүбүлүкэтин күнүгэр, Ньурбатааҕы драматическай тыйаатыр сыанатыгар олоҕун бүттүүн успуорка анаабыт сүдү киһи Артур Иннокентьевич Пахомов 70 сааһыгар аналлаах, кини аатын үйэтитиигэ «Раунды достойной жизни» испэктээк барыллаан көрүүтэ ыытылынна.

Испэктээги туруорааччы режиссер Алгыс Макаров-Сиэн Мөрөс, сценарист Нюргуяна Матвеева.
Сүрүн оруолу Артур Иннокентьевич оруолун Антоновкаттан төрүттээх, Артур Иннокентьевич иитиллээччитэ, Ньурбатааҕы тыйаатыр артыыһа Артур Евсеев толордо. Барыллаан көрдөрүүгэ улуус салалтата, А.И.Пахомов бииргэ төрөөбүттэрэ Тимур Иннокентьевич, Изамира Иннокентьевна, аймахтара, доҕотторо,успуорт бэтэрээннэрэ, култуура, тыйаатыр, физическэй култуура үлэһиттэрэ кыттыыны ыллылар. Успуорт эйгэтигэр Ньурба тыйаатырыгар бу испэктээк маҥнайгы туруоруу буолан уустуктардаах, ол да буоллар өссө да салҕыы чочуллан, үлэ ыытыллан, көрөөччү иннигэр балаҕан ыйыгар тахсарын туһунан иһитиннэрдилэр.

«Бу  үлэ Ньурбабыт улууһугар Саха Өрөспүүбүлүкэтин Норуоттарын оонньуутун кэмигэр 2027 сылга спортсменнарга биир улахан бэлэх буолуоҕа» — диэн Ньурбатааҕы драматическай тыйаатыр салайааччыта Николай Никитин санаатын эттэ. Бу туһунан Ньурбатааҕы успуорт управлениетын пресс-киинэ суруйар. Бу сыл балаҕан ыйыгар Ньурба улууһун дьоно-сэргэтэ биир дириҥ суолталаах, үгүс биллиилээх киһи туһунан испэктээк премьератын долгуйа күүтэллэр.