Биһиэхэ биллибитинэн, сэрэдэ киэһэ “Саханефтегазсбыт” АУо Ньурбатааҕы ньиэп баазатын сэргэх харабыллара, бу стратегическай суолталаах эбийиэктэн 150 миэтэрэлээх сиргэ пилота суох көтөр аппарааты көҥүлэ суох көтүтүүнү тохтоппуттар.
“Регион безопасность” АУо ХЭУо харабылын туһааннаах рапорыгар этиллэринэн, “19 чаас 39 мүнүүтэҕэ, харабылланар эбийиэктэн 150 миэтэрэлээх сиргэ, … нүөмэрдээх, маҥан өҥнөөх “УАЗ Патриот” массыына тохтообута, онтон киһи таҕыста уонна пилота суох көтөр аппарааты ыытан барда” диэн суруллар. Бу туһунан Якутия дэйли саайт иһитиннэрэр.
Харабыллар суһаллык дьаһанан, пилота суох аппарааты көтүтээччини туппуттар. Кини бэйэтин аатын гражданин В. дэммит итиэннэ геологическай чинчийиини ыыта сылдьарын туһунан быһаарбыт. Ол эрээри, тутуллубут киһи пилота суох аппарааты көтүтэргэ көҥүлүн көрдөрбөтөх.
Сотору кэминэн бу киһини Росгвардия үлэһиттэригэр туттарбыттар. Быһаарсыы ыытыллар. Туһааннаах уорганнар Ньурба кытыытыгар, өссө ааспыт үйэҕэ биллиилээх Амакинкатааҕы геологическай эспэдииссийэ олохтонон уһаты-туора туох баар чинчийии барыта ыытыллыбыт сиригэр туох чинчийиитин оҥорорун туһааннаах уорганнар быһаарсыахтара. Бэрэбиэркэ тугунан да түмүктэммитин иһин биир дьэҥкэтик өйдөнөр – билиҥҥи судургута суох кэмҥэ сэргэх харабыллар хайҕаллаах быһыыны оҥорбуттар, сатабыллаахтык дьаһаммытар.
Семен БЕЛЬСКЭЙ.
Дмитрий Петров аатынан Ытык Күөл 2 №-дээх оскуолата сахалартан соҕотох Албан Аат Уордьанын толору кавалера…
Алтынньы 17-18 күннэригэр РФ Бэрэсидьиэнин иһинэн норуот хаһаайыстыбатын уонна судаарыстыбаннай сулууспа Арассыыйатааҕы академиятын (РАНХиГС) устудьуоннара…
Дьокуускайга Стадухин аатынан уулуссаҕа 14 саастаах уолу кырбаабыт 45 саастаах эр киһиэхэ холуобунай дьыала тэрилиннэ.…
Алтынньы 18 күнүгэр Саха Өрөспүүбүлүкэтин Ил Дархана Айсен Николаев уонна СӨ Судаарыстыбаннай Мунньаҕын (Ил Түмэн)…
Ааспыт нэдиэлэттэн Арассыыйа үрдүнэн ордук үрүҥ ас сыаната үрдээтэ. Алтынньы 8-14 күннэригэр дойдуга сыана хайдах…
“Саха сирэ” хаһыат бүгүн ”Тыа сирэ - уйгу төрдө” диэн анал таһаарыылаах таҕыста. Анал сыһыарыыны…