Ньурбаҕа сэргэх харабыллар пилота суох аппарааты көтүтэ сатаабыт киһини туппуттар

Ньурбаҕа сэргэх харабыллар пилота суох аппарааты көтүтэ сатаабыт киһини туппуттар

Ааптар:
04.04.2024, 18:55
Хаартыска: СИА.
Бөлөххө киир:

Биһиэхэ биллибитинэн, сэрэдэ киэһэ “Саханефтегазсбыт” АУо Ньурбатааҕы ньиэп баазатын сэргэх харабыллара, бу стратегическай суолталаах эбийиэктэн 150 миэтэрэлээх сиргэ пилота суох көтөр аппарааты көҥүлэ суох көтүтүүнү тохтоппуттар.

“Регион безопасность” АУо ХЭУо харабылын туһааннаах рапорыгар этиллэринэн, “19 чаас 39 мүнүүтэҕэ, харабылланар эбийиэктэн 150 миэтэрэлээх сиргэ, … нүөмэрдээх, маҥан өҥнөөх “УАЗ Патриот” массыына тохтообута, онтон киһи таҕыста уонна пилота суох көтөр аппарааты ыытан барда” диэн суруллар. Бу туһунан Якутия дэйли саайт иһитиннэрэр.

Харабыллар суһаллык дьаһанан, пилота суох аппарааты көтүтээччини туппуттар. Кини бэйэтин аатын гражданин В. дэммит итиэннэ геологическай чинчийиини ыыта сылдьарын туһунан быһаарбыт. Ол эрээри, тутуллубут киһи пилота суох аппарааты көтүтэргэ көҥүлүн көрдөрбөтөх.

Сотору кэминэн бу киһини Росгвардия үлэһиттэригэр туттарбыттар. Быһаарсыы ыытыллар. Туһааннаах уорганнар Ньурба кытыытыгар, өссө ааспыт үйэҕэ биллиилээх Амакинкатааҕы геологическай эспэдииссийэ олохтонон уһаты-туора туох баар чинчийии барыта ыытыллыбыт сиригэр туох чинчийиитин оҥорорун туһааннаах уорганнар быһаарсыахтара. Бэрэбиэркэ тугунан да түмүктэммитин иһин биир дьэҥкэтик өйдөнөр – билиҥҥи судургута суох кэмҥэ сэргэх харабыллар хайҕаллаах быһыыны оҥорбуттар, сатабыллаахтык дьаһаммытар.

Семен БЕЛЬСКЭЙ.

 

+1
39
+1
1
+1
0
+1
1
+1
7
+1
3
+1
0
Бары сонуннар
Салгыы
15 апреля
  • -19°C
  • Ощущается: -19°Влажность: 71% Скорость ветра: 1 м/с

Сообщить об опечатке

Текст, который будет отправлен нашим редакторам: