Ньурбаҕа сүппүт дьахтары көрдөөһүн салҕанар

Ньурба улууһун Чуукаар сэлиэнньэтигэр сүппүт 1955 с.т. дьахтары быыһааччылар уонна олохтоохтор көрдүүллэр, диэн Саха сиринээҕи Быыһыыр сулууспатын пресс-сулууспата суруйар.

Деменциянан ыалдьар дьахтар тохсунньу 3 күнүгэр дьиэтиттэн тахсан баран төннүбэтэх. Тохсунньу 5 күнүгэр аймахтарын сайабылыанньатынан, көрдөөһүҥҥэ олохтоохтор, полиция үлэһиттэрэ уонна Саха сиринээҕи Быыһыыр сулууспатын Ньурбатааҕы көрдүүр-быыһыыр этэрээтин үс быыһааччыта тахсыбыттар. Уопсайа көрдөөһүҥҥэ 32 киһи кыттар — 25 олохтоох, полиция 4 үлэһитэ уонна Саха сиринээҕи Быыһыыр сулууспатын 3 быыһааччыта.

«Дьахтары көрдөөһүн нэһилиэк чугаһынан ыытыллар», — диэн Саха сиринээҕи Быыһыыр сулууспатын Ньурбатааҕы көрдүүр-быыһыыр этэрээтин начаалынньыга Афанасий Ноев эттэ.