Нюргуна Соколова 91 саастаах ытык кырдьаҕаска Кыайыы 80 сылынан мэтээли туттарда

Share

СӨ ситэриилээх былааһа Өлүөхүмэ улууһугар отчуотун иитинэн оробуочай бөлөх салайааччыта, үөрэх, билим миниистирэ Нюргуна Соколова алта сааһыттан холкуоска түбүгүрбүт тыыл бэтэрээнигэр, авиация бочуоттаах үлэһитигэр, уопсастыбанньык Иннокентий Евстифеевка Аҕа дойду Улуу сэриитигэр Кыайыы 80 сылынан мэтээли туттарда.

“Биһиги кыайыыны уһансыбыт, көлөһүннэрин аахсыбакка үлэлээбит дьоммутун ытыктыыбыт, кэриэстиибит. Бу бэлиэ сылга араас тэрээһиннэр ыытыллыахтара, бэтэрээннэрбитин эҕэрдэлиибит. Үбүлүөйдээх сылынан, Арассыыйа Бэрэсидьиэнэ Владимир Владимирович Путин илии баттааһыннаах  “Аҕа дойду Улуу сэриитигэр кыайыы 80 сыла” мэтээл Евстифеев Иннокентий Семеновичка туттарыллар.

Саха сирэ – дьоруойдар дойдулара диэн үгүстүк этиллэр. Манна өлүөхүмэлэр киллэрбит кылааттара сүҥкэн. Кыайыы 80 сылыгар аналлаах мэтээли Өлүөхүмэ улууһуттан бастакынан эйиэхэ туттарабыт” ,– диэн эттэ.

Биир сөхпүтүм диэн, Иннокентий Семенович күн бүгүҥҥэ диэри улуустааҕы сэрии, үлэ бэтэрээннэрин сэбиэтин президиумун чилиэнэ, уопсастыбаннай үлэттэн туора турбакка дойду, аҕам саастаах дьон туһугар сүбэ-ама буола, түбүгүрэ сылдьар эбит. Махталын биир этиинэн: “Служил Советскому Союзу, служу России”, – диэн биллэрэр.

Иннокентий Семенович Евстифеев 1933 сыллаахха сэтинньи 23 күнүгэр төрөөбүт. Оҕо, эдэр сааһа Өлүөхүмэ улууһун Саҥыйахтаах сэлиэнньэтигэр ааспыт. Алта сааһыттан холкуоска үлэлээн саҕалаабыт. Авиамеханиктар куурустарын ааһан, Саҥыйахтаах пуордугар үлэлээбит. 1962 сыллаахха Өлүөхүмэ куоракка көһөн, авиапуорка мэхээнигинэн киирбит, салгыы бочуоттаах сынньалаҥҥа барыар диэри каадыр иниспиэктэринэн үлэлээбит.

Иннокентий Семенович салайыытынан авиапуорт бэтэрээннэрин сэбиэтэ улахан үлэни ыыппыт – Өлүөхүмэ пуордун туппут дьон аатын көрдөөн булан үйэтиппит өҥөлөөхтөр. Бу чахчылары Аляска-Сибиир салгын тырааныспарын кинигэтигэр киллэрбиттэр.

Людмила Попова хаартыскаҕа түһэриитэ
Хаартыска: Людмила Попова

Recent Posts

  • Сонуннар
  • Уопсастыба

Балаҕан ыйыттан зажигалкалары уонна гаас баллоннарын пааспарынан көрөн эрэ атыылыахтара

Бу быраабыланы кэһии иһин ыстараап кээмэйэ сокуоннай саастарын ситэ илик оҕолорго табах бородууксуйатын атыылааһын иһин…

10 часов ago
  • Сонуннар
  • Уопсастыба

Оҕону суруйарга эрдэттэн эрчийиэххэ

Хас биирдии үөрэнээччи күннэтэ суругунан үлэни толорор. Ол гынан баран, аныгы үйэ тэриллэрэ сайданнар, дьон…

11 часов ago
  • Сонуннар
  • Ыйыт - хоруйдуубут

ЫЙЫТ-ХОРУЙДУУБУТ: Оҕо уһуйааҥҥа сылдьарга үөрэнэригэр хайдах көмөлөһөбүт?

Оҕо бастакы күнүгэр ытаан-соҥоон уһуйааҥҥа барарыгар, сарсын үчүгэй буолуо диэн бэйэҕитин уоскутунаҕыт. Ол эрээри, биир…

11 часов ago
  • Сонуннар
  • Сүрүн

Саха сиригэр чоҕу хостуур салаа кэскиллээх

Кэлиҥҥи сылларга дойду үрдүнэн чоҕу хостуур салаа кэккэ ыарахаттары көрүстэр да, Саха сирэ төттөрүтүн үрдүк…

12 часов ago
  • Сонуннар
  • Уопсастыба

Роспотребнадзор: ОРВИ сезона саҕаланыан иннинэ сэрэтэр дьаһаллары ылыныҥ

Роспотребнадзор тымныйыы, ОРВИ, кириип уонна коронавирус саҥа сезона саҕаланыан иннинэ илиини чаастатык суунары, дистанцияны тутуһары,…

12 часов ago
  • Кыайыы 80 сыла
  • Сонуннар

Үчүгэйиэн, оҕо саас!

…Оҕо саас уһаабатаҕа. Ол иһин Николай Саввич күн сирин көрбүт, оҕо буолан оонньообут кэмиттэн, эппиккэ…

13 часов ago