Хаартыска -- Иван Степанов тиксэриитэ.
Быйыл араас уопсастыбаннай түмсүүлэри түмэр суолталаах тэрээһин Горнай улууһун Одуну нэһилиэгин олохтоох пааркатыгар атырдьах ыйын 17 күнүгэр буолуоҕа.
Тэрийээччилэр — “Кэлэр кэм индустрията” автономнай кэмиэрчэскэйэ суох тэрилтэ, Горнай улууһун уонна Одуну нэһилиэгин дьаһалталара “ODUNU FEST” диэн араас түмсүүлэри түмэн, сонун сүүрээннэри, этиилэри түмэн олоххо киллэрэр суолталаах тэрээһини үһүс сылын ыыталлар.
Бэстибээл олоҕу хамсатар соруктаах көхтөөх дьону түмэр. Ол курдук, манна уопсастыбаннай диэйэтэллэр, нэһилиэктэр баһылыктара, урбаанньыттар, артыыстар, норуот маастардара, худуоһунньуктар, уопсасттыбанньыктар уо.д. а. араас идэлээх, толкуйдаах дьон түмсэн, санааларын атастаһаллар, сайдыы саҥа саҕахтарын торумнууллар. Бэстибээл бырагыраамата биэс хайысхалаах: дьыалабыай, култуурунай, спортивнай, урбаан салаата, уопсастыбанньыктары түмүү. Бэстибээл чэрчитинэн кылгас киинэ (кинофестиваль короткометражек), CS GO цифровой турнир, дрон күрэһэ, уулусса аныгы үҥкүүлэригэр (брейк-данс) күрэхтэһии, артыыстарга аналлаах тэрээһиннэр, норуот оҥоһуктарын билиһиннэрии ыытыллар.
Урбаанньыттары кытта министиэристибэлэр бэрэстэбиитэллэрэ, муниципальнай тэриллиилэр баһылыктара уонна ыҥырыылаах эспиэрдэр көрсөн, «Аныгы үйэ соруктара: тыа сирин хайдах сайыннарыахха?” аһаҕас кэпсэтиини ыытыахтара. Манна тыа сириттэн дьон тоҕо көһөн, киин сиргэ тардыһар өрүттэрин ырытыы буолуоҕа. Ыччаты тыа сиригэр хайдах чугаһатыахха сөбүн, грант бырайыактарын олоххо киллэрии уонна тыа сиригэр табыгастаах эйгэни тэрийии холобурдарын туһунан ырытыы буолуоҕа. Аһаҕас кэпсэтиини Масаха Мэхээс тэрийэн ыытыаҕа.
“Горнай улууһун инвестиционнай кыаҕа” диэн урбаанньыттарга аналлаах төгүрүк остуолга Горнай улууһун дьаһалтата инвестиционнай бырайыактары билиһиннэриэҕэ, биисинэс-стартаптарга кыттааччылар санааларын атастаһыахтара, Горнай улууһун ситиһиилээх урбаанньыттарын кытта көрсүһүү буолуоҕа. Маны тэҥэ, ыалдьытымсах буолуу, бэйэ дьыалатын саҥа саҕалыыр тэрилтэ, үп-харчы уонна каадырдары салайыы, маркетинг тиэмэлэригэр урбаанньыттар маастар-кылаастара ыытыллыаҕа.
Тэрээһин ыытыллар сиригэр олорор, аһыыр усулуобуйа тэриллиэҕэ. Тэрээһиҥҥэ сааһынан хааччах суох – уопсастыбаннай үлэнэн дьарыктанар ким баҕарар кыттыан сөп. Тэрийээччилэр көхтөөх уопсастыбанньыктары үгэс буолбут “ODUNU FEST” тэрээһиҥҥэ көхтөөхтүк кыттарга ыҥыраллар.
Дьокуускай куорат В. И. Малышкин аатынан 23‑с нүөмэрдээх оскуолатын саха тылын, литэрэтиирэтин учуутала, РФ уопсай үөрэхтээһинин бочуоттаах…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Кэрэмэс" кэпсээнин истиҥ. …
Ньурба улууһуттан төрүттээх суруналыыс, ырыаһыт, СӨ Суруналыыстарын сойууһун «Кыһыл көмүс микрофон» бириэмийэтин хаһаайына, СӨ тэлэбиидэнньэтин…
Бааска куораттаан иһэр. Ол аайы мээнэ киирэр-тахсар дьону ылбата, онно-манна тастаран киһи бириэмэтин сииллэр. Кинилэр…
2025 сыл бастыҥ спортсменынан тустуук Лев Павловы саарбахтаабакка ааттыыбыт. Ахсынньыга ыытыллыбыт Чөмпүйүөннэр баалларыгар “Сыл бастыҥ…
Куйаар ситиминэн «Санаа быраас» диэн илии баттааһыннаах тэттик суруйуулар кэлэр буолбуттара балай да кэм буолла.…