Өрөспүүбүлүкэтээҕи офтальмологическай килиниичэскэй балыыһа быраастара улуустарга баран, үлэлээн эрэллэр.
— Ил Дархан сорудаҕынан, хотугу улуустарга үлэбитин саҕалаатыбыт. Быйыл эрдэ саҕалыырга быһаарыммыппыт. Билигин Саха сирин үрдүнэн тоһуттар тымныы күн-дьыл турар. Сөмөлүөттэр рейстэрэ тардыллар, массыынанан айанныыр эмиэ кутталлаах. Онон пациеннарбыт Дьокуускайга кэлэ сатаабаттарын курдук, бэйэбит барарга быһаарынныбыт, — диэн балыыһа сүрүн бырааһа Иван Луцкан кэпсээтэ.
Анаабыр улууһугар харах бырааһа суох. Онон тохсунньу 23 күнүттэн Дьокуускайтан тиийэн, офтальмолог-быраас Елизавета Иванова үлэтин номнуо саҕалаата. Кини баҕалаах дьону көрөр уонна эпэрээссийэҕэ барар пациеннары талар. Тохсунньу 30 күнүттэн хирургическай биригээдэ тиийэн үлэлиэҕэ. Биригээдэҕэ офтальмолог-быраас Екатерина Басова, сиэстэрэлэр Лена Ермолаева, Надежда Семенова үлэлииллэр. Эмтээһин, эпэрээссийэ босхо ыытыллар. Бу кэнниттэн Эбээн-Бытантай улууһугар баран, анал биригээдэ үлэлиэҕэ.
Тохсунньу 23-24 күннэригэр Мэҥэ Хаҥаласка харах балыыһатын бырааһа Ирина Григорьева үлэлээбитэ. Кини 40 киһини талбыта, бу дьону куоракка офтальмологическай балыыһаҕа барыларын бииргэ аҕалан, эпэрээссийэ оҥоруохтара. Көрдөрүүттэн саҕалаан, эпэрээссийэҕэ диэри 1-2 күн буолар.
Кулун тутар ыйга офтальмологтар Бүлүү бөлөх улуустарга баран үлэлиэхтэрэ.
Дьокуускайга “Мээрдэр оскуолалара” муниципальнай салайар каадыр эрэсиэрбэтин сайыннарар бырагыраама олоҕурбут көрүҥүнэн муодула буола турар. Үһүс…
Горнай улууһугар "100 сыл оҕолоро" хапытаалы 187 ыал ылан туһанна. Манна өрөспүүбүлүкэ бүддьүөтүттэн 9,8 мөлүйүөн…
Дьокуускай куорат борокуратуурата олохтоох дьахтарга холуобунай дьыала буруйдуур түмүгүн бигэргэттэ. Кини Холуобунай кодекс 105 ыстатыйатын…
ХИФУ Археологияҕа уонна этнографияҕа түмэлигэр ураты эспэнээт баар – хойукку неолит кэмигэр 4 тыһыынча сыл…
Бүгүн ыраах суоллаах-иистээх Аллайыаха улууһун Бөрөлөөх нэһилиэгэр улуус баһылыга Я.Г.Елисеев отчуота буолан ааста. Яков Гаврильевич…
Социальнай архитектордар куонкурустара РФ Бэрэсидьиэнэ Владимир Путин сорудаҕынан ыытыллар. Социальнай суолталаах бырайыактары олоххо киллэриигэ, ону…