Хаартыска: pxhere.com
Алтынньы 16 күнүгэр киэһээ 21 ч.56 м. ИДьМ Хаҥаластааҕы отделыгар оҕо төлөпүөннээбит.
Кини дьоно кимниин эрэ төлөпүөнүнэн кэпсэтэллэрин уонна билбэт дьонноругар харчы ыыппыттарын эппит. Ону истээт, чугастааҕы бөһүөлэккэ тута полиция учаскуобайа ыытыллыбыт. Кини онно тиийэн эмсэҕэлээччилэри кытары кэпсэппит.
Оҕо барахсан итинник төлөпүөннүү охсон, дьоно түөкүттэр угаайыларыгар киирэн биэрэн, улахан суумаҕа иэс киириэхтэрин тохтоппут.
Сиһилии кэпсээтэххэ маннык. Бэһис кылааска үөрэнэр оҕо барахсан ити күн дьоно хайдах эрэ уларыйан хаалбыттарын, туохтан эрэ наһаа долгуйбуттарын уонна сороҕор туохха эрэ мөккүһэллэрин истэн, болҕомтотугар ылбыт. Уолчаан өйдөөн истибитэ, аҕатыгар саарбах дьоннор төлөпүөннээбиттэр.
44 эр киһиэхэ аан бастаан суотабай сибээһигэр дуогабарын болдьоҕо бүппүтүн туһунан эрийэн эппиттэр, онтон «Госуслуги» сыһыарыытыгар тус кабинетын алдьаппыттарын уонна кини аатыттан билигин билбэт дьоно кирэдьиит ылан эрэллэрин туһунан иһитиннэрбиттэр. Баан үлэһиттэрэ аатыран эрийбит түөкүттэр бу дьону суолларын быһа түһэр наадатын «сүбэлээбиттэр». Бэйэтэ кирэдьиит ыла охсоругар уонна ол харчытын барытын «куттала суох счекка» ыытарыгар эппиттэр.
Ону истээт, уолчаан төрөппүттэрин тохтотон көрбүт, сыыһаны оҥорботторугар көрдөспүт. Ол гынан баран, төрөппүттэрэ оҕолорун тылын истибэтэхтэр уонна түөкүттэр счеттарыгар 175 тыһ. бэйэлэрин харчыларын ыыппыттар. Төрөппүттэрэ түөкүттэр ыйыыларынан-кэрдиилэринэн харчы ыыталларыттан уонна кирэдьиит ыла сатаан эрэллэриттэн куттанан, 11 саастаах уолчаан полицияҕа төлөпүөннээбит.
Итинэн уолчаан уонна полиция учаскуобайа бу дьон түөкүттэр счеттарыгар салгыы харчы ыыталларын тохтоппуттар.
Оскуола үөрэнээччитэ полиция үлэһитигэр түөкүттэр араас албастарын туһунан хаста да аахпытын уонна истибитин эппит.
ИДьМ Хаҥаластааҕы отдела уолчааны болҕомтолооҕун бэлиэтээн туран махтанарга быһаарыммыт.
СӨ ИДьМ саайтыттан
Саха сирин 18 куоратыгар уонна улууһугар буруйу оҥоруу үрдээһинэ бэлиэтэннэ. 2025 сыл бастакы аҥаарыгар Саха…
Хороҕор муостааҕы, сыспай сиэллээҕи сайын да, кыһын да суолга түҥнэри көтүү тахса турар. Саха сирин…
Таатта улууһун Боробул сэлиэнньэтин 31 саастаах олохтооҕо икки буруйу оҥорбутунан ааҕыллар. Эр киһи Дьохсоҕон нэһилиэгин…
Үс сыллааҕыта байыаннай дьайыы саҕаламмыта, ол кэннэ тута быстах мобилизация буолбута. Хомуур, бэлэмнэниилэр, уот айаҕар…
От ыйын 12 күнэ -- Бөтүрүөп таҥара күнэ. Бу күн иччилэр (абааһылар) мунньахтыыр күннэрэ диэн…
Ааспыт сууккаҕа космостан уонна авиационнай кэтээн көрүү түмүгүнэн, Бүлүү улууһугар 4 гаа иэннээх сиргэ биир…