Оҕо кириэһилэтигэр ирдэбил күүһүрдэ

Оҕолору анал кириэһилэтэ суох таһыы иһин ыстараап икки бүк кэриҥэ улаатар. Ол курдук, тохсунньу 9 күнүттэн тимир көлөҕө оҕону таһыы быраабылатын кэһии иһин ыстараап суумата икки бүк улаатар.

Бу оҕону сааһыгар уонна ыйааһыныгар сөп түбэһэр кириэһилэтэ эбэтэр атын анал тэрилэ суох таһар түгэннэргэ сыһыаннаах.

Официальнай портаалга тахсыбыт докумуоҥҥа олоҕуран, суоппардарга ыстараап кээмэйэ 3 тыһыынча солкуобайтан 5 тыһыынча солкуобайга диэри улаатыаҕа. Дуоһунастаах дьоҥҥо ыстараап суумата 25 тыһ. солкуобайтан 50 тыһ. солкуобайга диэри, оттон юридическай сирэйдэргэ — 100 тыһ. солкуобайтан 200 тыһ. солкуобайга диэри улаатыа.

Таксыы суоппардарыгар эмиэ анал ирдэбиллэр олохтоноллор. Оҕолору кириэһилэтэ суох таһар түгэннэригэр, 50 тыһ. солкуобай кээмэйдээх ыстараап көрүллэр.