ЫЙЫТ-ХОРУЙДУУБУТ: Оҕо туохтан сылайарый?

Бастакы кылааска киирэн баран, оҕо уутун хаммат, начаас сылайар, уруок ааҕыан баҕарбат буоллаҕына, оҕону ыгар-түүрэр наадата суох. Оҕо битэмиинэ тиийбэт уонна эрэсиимэ кэһиллибит диэн уйулҕа үлэһиттэрэ сыаналыыллар. Дьиэ иһигэр бастакы кылааска киирбит оҕо баар буоллаҕына, дьиэ кэргэн бары эрэсиими тутуһарга кыһаныахтаах.

• Киэһэ 20.30 чааска оҕо оронун булуохтаах. Кини тута утуйбат да буоллаҕына, сыта түһэн баран сыыйа утуйар. Устунан эрэсиимҥэ киирэр.
• Магний В 6 хайаан да иһиэхтээх. Ордук киэһээҥҥи аһылык кэмигэр иһэрдиҥ.
• Д битэмиини көтүппэккэ иһэрдиҥ. Күн тиийбэтиттэн оҕо ыарыыга бэринимтиэ буолар.
• Оҕо күҥҥэ элбэх ууну иһиэхтээх.
• Салгыҥҥа күһүн кырата икки чаас сылдьыахтаах.