Оҕо көмүскэлин күнүгэр – бэс ыйын 1 күнүгэр Үүнэр көлүөнэ тыйаатыра “Ночь в кукольном театре” диэн саҥа остуоруйа-испэктээкили көрдөрдө.
Үүнэр көлүөнэ тыйаатырын “Тускул” оҕо музыкальнай-театральнай устуудьуйата Оҕо көмүскэлин күнүгэр сыл аайы үгэс курдук музыкальнай испэктээкили туруорар. Быйыл СӨ култууратын туйгуна Вера Ефремова салайааччылаах оҕо устуудьуйата сэбиэскэй композитор Лев Рыскин айымньытынан «Ночь в кукольном театре» диэн музыкальнай испэктээкили көрдөрдө.
Саала иһигэр кырачаан көрөөччүлэр толору мустубуттар. Уот умуллар, быыс аһыллар, алыптаах остуоруйа саҕаланар… Кэрэхсэбиллээҕэ диэн, манна оҕолор оонньуур буоланнар, кыра көрөөччүлэргэ ордук интэриэһинэй. Сыанаҕа 4-5 саастаах кырачааннартан саҕалаан, уончалаах оҕолорго тиийэ – сыыспатах буоллахпына, отуттан тахса артыыс оонньуур. Бачча элбэх оҕону болҕомтолорун тардан, бэрээдэктээн, оруолларын, ыллыырга-үҥкүүлүүргэ үөрэтэн, дьоҕурдарын арыйыах диэтэххэ, сөҕүмэр үлэ быһыылаах.
Испэктээкил музыкальнай буолан, оҕолор элбэхтик ыллыыллар уонна үҥкүүлүүллэр. “Придворнай даамалар”, куукулалар буолан, бары чаҕылхай көстүүмнээхтэр, париктаахтар.
Кинилэр сыанаҕа туттарга-хаптарга, саҥарарга, оруолга киирэн оонньуурга, ыллыырга, хамсанарга – быһата, артыыс идэтигэр үөрэнэллэрэ инники олохторугар туһаҕалааҕа саарбаҕа суох. Ол да иһин кинилэр бастакы көрөөччүлэрэ, сүгүрүйээччилэрэ – төрөппүттэрэ, эбэлэрэ-эһэлэрэ, эдьиийдэрэ-убайдара, доҕотторо кэлэн, тыыммакка да олорон көрдүлэр, ытыс тыаһын харыстаабатылар, түмүккэ сибэкки дьөрбөтүн туттардылар, салайааччы Вера Павловнаҕа махтаннылар.
Муусука доҕуһуоллаах остуоруйа эйгэтэ, оҕолор көрдөөх-нардаах оонньуулара, сонун уобарастар көрөөччүлэри сэргэхситтилэр.
Оттон эдэр артыыстар үөрэн, хаста да бокулуоннаатылар уонна бэргэһэлэрин, сэлээппэлэрин өрүтэ быраҕаттаатылар. Төһөлөөх бэлэмнэммиттэрэ буолуой? Билигин кинилэри сайыҥҥы уһун сынньалаҥ, дьоллоох оҕо саас кэрэ кэмнэрэ күүтэллэр…
Режиссер – СӨ ускуустубатын үтүөлээх диэйэтэлэ Александр Титигиров, худуоһунньук – култуура туйгуна Прасковья Павлова, хормейстер – үөрэҕирии туйгуна Лариса Тароева, концертмейстер – үөрэҕирии туйгуна Ирина Захарова, хореограф – РФ үтүөлээх артыыһа, СӨ норуодунай артыыһа Афанасий Афанасьев.
Бу күннэргэ Томпо улууһун Мэҥэ Алдан нэһилиэгин дэлэгээссийэтэ Чөркөөххө кэлэн кыраайы үөрэтээччи Гаврил Вырдылинтан нэһилиэк…
Саха сирин Ил Дархана элбэх оҕолоох ыаллары социальнай өттүнэн өйүүр эбии миэрэлэр тустарынан ыйаахха илии…
Бэс Күөлүгэр сэргэх тэрээһин буолла. Нэһилиэк баһылыга Айсен Егорович Павлов үөрүүлээх тэрээһиҥҥэ мустубут дьону эҕэрдэлээтэ…
Маннык эмиэ этэллэр эбит. Биһиги дьылҕабыт зодиакпыт бэлиэтиттэн эрэ буолбакка, нэдиэлэ ханнык күнүгэр төрөөбүппүтүттэн эмиэ…
Ил Дархан Айсен Николаев харах балыыһатын стационарнай отделениета аһыллыытыгар, тэрилтэ өрөспүүбүлүкэҕэ доруобуйа харыстабылын сайдыытыгар ситиһиилээх…
Халыма-Индигиир улуустарын уокуругуттан үгүс спортсмен араас көрүҥнэргэ ситиһиилэрдээхтэр. Ол курдук, бу күннэргэ Муоматтан төрүттээх бөҕөс…