Оҕолорго күүһүнэн өттөйбүт эр киһиэхэ бэрэбиэркэ ыытыллар

Бу дьыл  муус устар 12 күнүгэр ИДьМ Дьокуускайдааҕы 2-c №-дээх  полиция салаатын дьуһуурунай чааһыгар куорат олохтооҕо дьахтартан үҥсүү киирбит. Кини иһитиннэрбитинэн, Курашов  уулуссаҕа баар атыы-эргиэн киинигэр сокуоннай сааһын ситэ илик кыыһыгар эр киһи күүһүнэн өттөйбүт.

Бэрэбиэркэ кэмигэр биллибитинэн, оҕоҕо күүһүнэн өттөйбүт  50 саастаах эр киһи маҕаһыын үлэһитэ эбит. Бу киһи эрдэҕэс саастаах оҕолорго чуумпуралларын туһунан эппит. Ол эрээри оҕолор кинини истибэтэхтэр. Онуоха эр киһи кинилэри тохтотоору эккирэппит. Оҕону илиититтэн тардыбыт, атахха тэппит уонна соспут.

ИДьМ пресс-сулууспата иһитиннэрбитинэн,  РФ административнай быраабы кэһии кодексатын 6.1.1 ыст. «Кырбааһын» диэнинэн административнай силиэстийэ бара турар. Судебнай-мэдиссиинэ эспэртиисэ ыытыллар, бу түмүгүнэн быһаарыы ылыныллыаҕа диэн иһитиннэрдилэр.