Туох чэпчэтии көрүллэрий?

Сарсын – Улуу Кыайыы  күнэ. Онон Аҕа дойду Улуу сэриитин кыттыылаахтарыгар хапытаалынай өрөмүөҥҥэ туох чэпчэтии көрүллэрин ыйыттыбыт.

Ыйытыыга Саха сирин Хапытаалынай өрөмүөҥҥэ пуондата маннык хоруйдуур:

— Хапытаалынай өрөмүөн туһунан СӨ сокуонугар 2020 с. ыам ыйыгар олорор дьиэни бас билээччи Аҕа дойду Улуу сэриитин кытыылаахтарыгар хапытаалынай өрөмүөн усунуостарын төлөөбөт буолууга сыһыаннаах уларытыылар киллэриллибиттэрэ. Аҕа дойду Улуу сэриитин кыттыылаахтара дьиэни бас билиигэ кинилэргэ тиксэр өлүүлэһиилэригэр сөп түбэһиннэрэн усунуоһу төлөөбөттөр. Кинини кытта олорор дьиэ кэргэн чилиэннэригэр киирбит уларытыы туттуллубат.

Холобур, өскөтүн дьиэ (помещение) уопсай иэнэ ЕГРН быыпыскатыгар олоҕуран 50 кв. м. буоллаҕына, сэрии кыттыылааҕар тиксэр өлүүтэ ½ (25 кв.м.) тэҥнэһэр., онон төлөөһүнтэһн босхолонуу суумата бас билиигэ ылар быраабын ½ өлүүтүгэр тэҥнэһэр.